Attaullah Tarar Ko Sitara-i-Imtiaz Award Nomination Mila
Federal Information Minister Attaullah Tarar ko Pakistan-India conflict mein media role ki wajah se Sitara-i-Imtiaz ke liye nominate kiya gaya. Pakistan Armed Forces ne unke sath Press Information Officer Mubashir Hasan ko bhi nominate kiya. Tarar ne opposition ke economic claims ko bhi reject karte hue economy mein behtari ka zikr kiya.
KP Mein Naya Intelligence Center Terrorism Ke Khilaaf
KP ne terrorism ke khilaaf Provincial Intelligence Fusion and Threat Assessment Center (PIFTEC) qaim kar diya. CM Ali Amin Gandapur ne is center ka rasmi tor par aaghaz kiya. Ye center 14 agencies ko digital platform par jodta hai aur 36 districts se linked hai. Is se intelligence sharing tezi se hogi aur counter-terrorism efforts mazboot honge. Pakistan mein pehla aisa system hai.
PM Shehbaz Ne India Ko Pani Rokne Par Warning Di
PM Shehbaz ne International Youth Day ke event mein kaha ke agar India Indus Waters Treaty tod kar Pakistan ka pani rokeyga to Pakistan zabardast jawab dega. Unhone kaha pani Pakistan ki zindagi hai aur uska haq nahi chhoda jayega. PM ne 1 lakh laptops students ko merit par dene ka bhi elaan kiya aur youth empowerment par zor diya.
Pakistan Ne Trump Se Rishtay Mazboot Kiye, India Naraz
Pakistan ne Trump ke sath rishtay mazboot kiye, jis se India naraaz hai. Army chief Asim Munir ki Washington visit aur counterterrorism cooperation ne White House ka bharosa jeeta. Pakistan ko kam trade tariffs aur oil development deals mili hain. Trump Pakistan ko India ke khilaaf apna ahem strategic partner bana raha hai, magar ye rishta kabhi bhi badal sakta hai.
Ghar Se Aurton Ki Zabardasti Nikala Par Saza NA Mein Naya Bill Introduce Kar Diya
National Assembly mein Criminal Law (Amendment) Bill 2025 introduce hua, jo aurton ko unke apne ya husband ke ghar se zabardasti nikalne walon ke liye 3-6 mahine jail aur Rs 2 lakh tak jurmana propose karta hai. Yeh bill aurton ko ghar mein mehfooz rakhne aur unke huqooq ka tahaffuz karne ke liye qanooni protection deta hai.
Islamabad Mein 13 August Chhutti, Baaja Par Pabandi
13 August ko Islamabad mein public holiday ka elan, essential services normal chalengi. 14 August ko Pakistan 78wan Azadi Day josh-o-kharosh se manayega. Shahron mein flags, lights, parades aur cultural events honge. DC ne Independence Day se pehle ‘baaja’ ki sale/use par ban laga diya, violation par legal action hoga. Sindh ne 9 August ko Urs ki chhutti di.
US Ne BLA Ko Foreign Terrorist Declare Kiya, Tensions Barh Rahi Hai
US ne Pakistan ke Balochistan Liberation Army (BLA) ko “foreign terrorist organisation” declare kar diya. BLA pe 2019 ke hamlon aur March 2025 train siege ka ilzaam hai. Naye label se US mein group ko support dena jurm hoga. Balochistan mein azaadi ki tehreek jari, Pakistan-India tensions barh gaye. TRF ko bhi pehle terrorist list mein dala gaya.
Lapid Ne Gaza Hostages Ke Liye Sunday Strike Support Ki
Israeli opposition leader Yair Lapid ne Gaza me qaid hostages ke liye Sunday ko nationwide strike ka support kiya. Hostage families aur Forum ne appeal di, trade union Histadrut ne join nahi kiya. 49 hostages abhi tak Gaza me, 27 dead. Govt par “endless war” ka ilzaam, war expand hone ka plan approved.
NADRA Ne Ghar Baithe Birth, Death Registration Shuru Kardi
NADRA ne birth aur death registration ka process easy bana dia hai. Ab union council jaane ki zaroorat nahi, Pak ID app se ghar baithe registration ho ga. Filhaal Chakwal, Jhelum, Nankana Sahib me shuru, baad me nationwide hoga. CNIC renew/modify online, pehli dafa in-person. Fees: Normal 750, Urgent 1500, Executive 2500.
Saba Qamar Bani Pakistan Ki Pehli Child Rights Ambassador
UNICEF ne Saba Qamar ko Pakistan ke pehli child rights ambassador banaya. Woh Sindh ke ilaqon mein gaye jahan bachon ko taleem aur safe pani ki sakht zaroorat hai. Saba ne bachon ki shaadiyan roknay aur jahalat khatam karne ki appeal ki. UNICEF aur Saba mil kar bachon ke haqooq ke liye awareness phailayenge.