Karachi Mein 24 Ghanton Mein 8 Log Traffic Mein Halak
Karachi mein pichla 24 ghanton mein traffic accidents ne 3 khawateen samait 8 afraad ki jaan le li. Neti Jetty flyover, Maai Kolachi, Gulistan-e-Jauhar, Ahsanabad, Orangi aur Hawksbay road par alag alag waqiat hua. Halak hone walon mein TikTokers bhi shamil. Sirf 7 mahina mein 536 afraad, jinmein 51 khawateen aur 68 bachay halak ho chuke hai.
Do Masoom Bachay Kachre Mein Dab Kar Halak Ho Gaye
Lahore ke Defence Road, Hidayta Phatak mein do bachay kachre ke malbe mein dab gaye aur halak ho gaye. Afzal (16) aur Abdullah (15) ko 7 ghante ki musalsal talaash ke baad murda halat mein nikala gaya. Bachay khali bottles chun’ne ke liye kachre mein gaye tha. Rescue teams aur police ne laashen qareebi hospital mein bhej di.
1500 Rupee Prize Bond ka Result Aaj Announce Hua
Faisalabad, 1500 rupay ke prize bond ka draw #103 aaj National Savings Center mein hua. Pehla inaam 30 lakh, doosra 10 lakh aur teesra 18,500 rupay ka hai. Winners: Pehla 790468, doosra 607650, 193673, 031085. Teesre inaam ki complete list website aur offices par available. Inaam claim State Bank, banks ya National Savings Centers se kiya ja sakta hai.
Gold Ki Qeemat Aaj Local Aur Global Market Mein Gir Gayi
Global aur local market mein aaj Gold sasta ho gaya. International market mein Gold per ounce 10 dollar gir kar 3,344 dollar ka ho gaya. Pakistan mein fi tola Gold ki qeemat 1,000 rupay gir kar 3,57,100 rupay aur 10 gram 3,06,155 rupay ho gayi. Gold ko safe investment mana jata hai aur uncertain times mein demand barh jati hai.
Orangi Town Mein 7 Saal Ka Bacha Tanker Se Halak
Karachi, Orangi Town mein 7 saal ke Arsalan Raees ghar ke bahar apni maa ka intezar kar raha tha. Tabhi eik tez water tanker ne arsalan ko kuchal diya. CCTV mein tanker bhaagte dikh raha hai, aur bachay ko rotta hua dekha gaya. Maa rote hua insaaf ki appeal kar rahi hain. Karachi mein 2025 mein 546 log traffic accidents mein halak hua.
Bajaur, Gilgit Aur AJK Mein Barishon Se Tabahi
Tez barishon aur cloudburst ki wajah se Gilgit, AJK aur KP ke Bajaur mein flash floods aur landslides hue. Bajaur mein 9 log halak, 4 zakhmi. Rescue teams aur helicopter relief operations mein laga hua hain. CM Ali Amin Gandapur ne high alert aur safety measures ka hukum diya. Pakistan mein monsoon ne 300+ zindagiyan le li.
2 din 15-16 Aug Tak Schools Barishon Ki Wajah Band Rahengy
Azad Jammu & Kashmir ke saara government aur private schools 15-16 August 2025 ko tez barishon aur landslides ke khatre ke sabab band rahenge. Muzaffarabad, Bagh aur Samahni mein cloudbursts aur flash floods ne bridges aur roads tabah kar diye. Muzaffarabad ke Naseerabad mein eik family ke 6 members flash flood mein halak.
Pakistan Mein Hazrat Imam Hussain Ka Chehlum
Pakistan bhar mein Hazrat Imam Hussain (RA) aur Karbala ke shahidon ka Chehlum aaj manaya ja raha hai. Karachi, Lahore aur Peshawar mein Alam aur Zuljinah processions nikal rahe hain. Security tight hai, Section 144 lagu, 30,000 se zyada police deployed, aur mobile services kuch areas mein suspend ki gayi hain.
Hajj 2026 Applications Ke Liye Banks Khule Hein
State Bank of Pakistan ne 14 designated banks ke branches 16 August 2025 ko 9:00 AM–2:30 PM tak khula rakhne ka hukum diya. Hajj 2026 ke applications receive kiye jayenge. Pakistan mein abhi 37,000 government scheme seats available hain. Applicants online portal ya branches se apply kar sakte hain. Long aur short packages dono available hain.
Rawalpindi Metro Bus Service Aaj Suspend Hai
Rawalpindi mein Chehlum processions ki wajah se Saddar se Faizabad tak Metro bus service aaj (Friday) suspend hai. Islamabad mein service normal chalegi. Security concerns ke liye routes ke aas paas containers laga diye gaye hain. Commuters ko alternative transport use karne ka mashwara diya gaya hai. Processions ke doran police aur Rangers duty par hain