Karachi Schools Saturday Ko Bhi Khule Rahenge
Karachi ke tamam schools dobara khul gaye jo barsaat aur flooding ki wajah se band the. APSMA Chairman Tariq Shah ne kaha ke ab Saturday ko bhi classes hongi taake academic loss cover ho. Do din ki lagataar barish ne shehar ko shadeed mutasir kiya, ilaqe doobey aur roads block ho gai.
AI Music Licence Launch, Songwriters Aur Composers Ko Haq Mile
Sweden ne AI Music Licence launch kar diya jahan AI companies ab legal taur pe copyrighted songs train karengi aur songwriters, composers ko royalty milegi. Ye system STIM ne introduce kiya jo 1 lakh se zyada creators ko represent karta hai. 2028 tak AI music industry $17 billion tak pohanch sakti hai. Pehla licence Stockholm startup Songfox ko mila.
TikToker Samiya Hijab Aur Hassan Zahid Ky Case Mein Naya Mor
Islamabad mein TikToker Samiya Hijab case ka bara faisla! Ex-fiancé Hassan Zahid ki zamanat kharij, adalat ne use agwa case mein judicial remand par jail bhej diya, jabke dhamki aur cash chinnay ky case mein 2 din ka physical remand diya. Police keh rahi hai mobile, gari, hathyar baramad honge aur mazeed mulzimaan bhi pakray jayenge.
Canada Ne Israel Ke Sath Taluqaat Dobara Dekhne Ka Faisla Kia
Canada ne Qatar strikes ke baad Israel ke sath apne relations dobara dekhne ka faisla kar liya. Foreign Minister Anita Anand ne kaha hamla unacceptable hai jab Qatar peace efforts kar raha tha. Sanctions par bhi ghour ho raha hai. PM Mark Carney ke daur mein Canada ne Palestinian statehood recognize kar ke Israel ko naraz kiya tha
College Mein Knife Attack, Teacher Aur Eik Student Zakhmi
Southern France ke shehar Antibes mein knife attacker ne horticultural college par hamla kar diya jisme eik 52 saal ka teacher aur 16 saal ka student zakhmi hua. Teacher ko serious chot lagi lekin dono ki zindagi khatre se bahar hai. Police aur fire brigade ki fast response ko saraha gaya, mulk mein knife attacks barhte ja rahe hain.
Humaira Asghar Ki Medico-Legal Report Se Naye Sawal Samne Aaye
Model aur actress Humaira Asghar ki final medico-legal report samne aayi jisme kapron par khoon ke nishan aur DNA mila, jisne mout ko le kar naye doubts paida kar diye. Report ke mutabiq laash se sirf haddiyan mili aur aaza gaib tha jis wajah se mout ki wajah confirm na ho saki. Police ne kaha ek mobile phone abhi bhi missing hai.
Flood Rescue Ky Doran 2 Kashtiyan Doob Gayin, 30 Afraad Beh Gaye
Punjab ke Jalalpur Pirwala aur Alipur mein do rescue kashtiyan ulat gain, 30 se zyada afraad pani mein beh gaye lekin Rescue team ne sab ko bachaa liya. Chenab ka flood water tabahi machata aage barh raha hai, Uch Sharif Road par cut lagaya gaya taake pani ka pressure kam ho. Kabirwala ka mazdoor Talib Hussain bhook-pyaas se intiqal kar gaya.
Hukoomat Ne 8 Saal Baad Naye Gas Connections Kholay
Hukoomat ne 8 saal baad naye domestic gas connections ka ban khatam kar diya! Ab households ko imported LNG ke zariye gas milegi jo PKR mein charge hogi. Security deposit Rs20,000 hai, fee 21k (10 marla tak) aur 23k (10 marla se zyada). Apply SNGPL office/website se forms aur CNIC, property proof, neighbour bill ke sath karein.
Shirazi Vlogs Ne Apni Earnings Se Naya School Tayar Kiya
Gilgit-Baltistan ke young siblings Muhammad Shiraz aur Muskan, mashhoor Shirazi Vlogs ke creators, ne apni social media earnings se eik nayi school building tayar kar li! Pehle school toti-phooti halat mein tha, ab proper facilities aur activity areas hain. Fans keh rahe hain: “Asli success community ki madad hai.” MashaAllah!
CM Punjab Maryam Nawaz Ne Ration Card 2025 Launch Kardiya
CM Punjab Maryam Nawaz ne Ration Card 2025 launch kar diya! Scheme ke zariye 1.5 million se zyada low-income families ko aata, cheeni, chawal, daal aur tel sasti qeematon par milega. Eligible families ko Rs3,000 monthly ya Rs10,000 quarterly milayenge. Registration PSER portal ya E-Khidmat Markaz se hogi. Sirf CNIC dikhana hoga subsidy hasil karne ke liye.