Flood-Hit KP Mein Free Calls, 323 Log Ab Tak Halak
Flood-affected areas mein logon ke liye CMOs aur PTA ne free calls ka elan kiya hai, chahe balance zero ho. PTA ne bataya ke 72% telecom sites restore ho chuki hain. PDMA KP ke mutabiq floods mein 313 log halak, 156 zakhmi hua aur 159 ghar damage hua, jismein 62 puri tarah tabah hua.
KP MI-17 Helicopter Crash, Black Box Recover
KP sarkari MI-17 helicopter 15 August 2025 ko Bajaur (Salarzai) mein flood relief ke doran crash hua, jismein 5 crew members shahadat pa gaye. Mohmand crash site se black box recover kar ke authorities ko handover kar diya gaya. PDMA ke mutabiq floods mein 313 logon ki jaan, 156 zakhmi, aur 159 ghar damage hua.
PM Shehbaz Sharif Ne Mulk Mein Cashless Economy Shuru Kar Di
PM Shehbaz Sharif ne kaha ke hukumat cashless economy aur digital payments ko priority de rahi hai. Raast system har district tak pahunchaya jaega, har citizen ke liye digital ID banai ja rahi hai. Government aur public payments digitize kiye ja rahe hain, aur fiber connectivity aur infrastructure ko upgrade karke secure aur asaan transactions ensure kiye ja rahe hain.
Karachi Aur Sindh Mein Aaj Raat Se Barish Expected
Met Office ke mutabiq aaj raat se Karachi aur Sindh ke kai ilaqon mein tez hawaon ke saath barish aur garaj baras ka imkaan. Ye silsila 22 August tak jari rahega. PMD ne urban flooding ka khatra bhi bataya hai. Balochistan ke kuch districts mein bhi 17–21 Aug tak heavy rain expected hai.
Sanghar Mein Journalist Khawar Hussain Ki Car Se Dead Body Mili
Journalist Khawar Hussain ki laash Hyderabad Road par car se mili jisme sar par goli ka nishan tha aur haath mein pistol thi, jis se maut par sawalat uth gaye. Police ne investigation shuru kar di hai. CM Murad Ali Shah ne IGP se report talab kar ke best officer ko case dene ki hidayat di.
NADRA Ne Pak-ID App Se CNIC Modification Asaan Banaya
NADRA ne CNIC modification ka process easy banate hue Pak-ID mobile app update kar di. Ab biometric verification, document upload aur fee payment sab phone se hoga, office jane ki zaroorat nahi. Approval ke baad CNIC seedha ghar deliver hoga. Fee Easypaisa, JazzCash ya card se pay hogi. 1200 union councils tak service extend ki gayi.
Ishaq Dar UK Mein Pakistan-UK Relations Mazboot Karne Gaye
Deputy PM aur Foreign Minister Ishaq Dar 3 din ke official visit par UK pohanch gaye. Unki mulaqaat UK Deputy PM Angela Rayner, Hamish Falconer aur Commonwealth Secretary-General se hogi. Visit ka focus Pakistan-UK ties, digital tech, AI aur entrepreneurship hai. Dar High Commission London mein land record pilot project aur diaspora services bhi shuru karenge.
Safar Se Parhez, Northern Areas Mein Flood Ka Khatra
NDMA ne monsoon ke doran northern aur hilly areas ka safar avoid karne ka sakht advisory jari kiya hai, landslides aur flash floods ke khatray ki wajah se. Gilgit-Baltistan mein roads aur bridges heavily damage aur kai routes band hain, jese Jaglot-Skardu Road aur Babusar Top. Authorities ko tourism restrict karne aur Section 144 lagane ka bhi kaha gaya hai.
Pakistan Mein Jawan Logon Mein Heart Attacks Barh Gaye
Karachi mein experts ne kaha ke Pakistan mein aadhe se zyada heart attack patients 49 saal se kam aur 15% 40 se kam ke hain. Bari wajah diabetes, BP, obesity aur smoking hain. Doctors ne kaha chest pain na bhi ho to heaviness ya acidity jaisa discomfort heart attack ho sakta hai. 30 saal ke baad har shakhs ECG aur cardiac check-up zaroor karwaye.
Karachi Bound Airblue Flight Bird Hit Se Bach Gayi
Airblue ki Islamabad se Karachi aane wali flight 207 ko takeoff se pehle taxiway par bird hit hua jisse Airbus A320 ka eik engine damage ho gaya. Authorities ne aircraft ground kar diya aur flight cancel karni pari, jiski wajah se return flight bhi cancel hui. Flights cancel hone par passengers ne airport par protest kiya.