Hajj 2026 Applications Deadline Extend Hogyi, 3500 Seats Baqi
Ministry of Religious Affairs ne Hajj 2026 applications ki deadline extend kar di hai kyunke 1,14,500 se zyada forms mil gaye hain magar 3,500 seats abhi khali hain. Banks quota fill hone tak forms accept karenge. Hajj cost 11.5–12.5 lakh hai, pehla installment 5–5.5 lakh. Long aur short packages available hain, overseas Pakistanis bhi apply kar sakte hain.
Microsoft Windows 11 Dark Mode Upgrade 25H2 Update Mein
Microsoft ne Windows 11 mein dark mode ko finally upgrade karna shuru kar diya hai. Naye preview build mein file copy, delete aur move dialogs dark theme mein nazar aate hain, jabke purane parts jaise Control Panel abhi light mode mein hain. Ye update 25H2 version mein aayega, macOS jaisi consistency laane aur user experience improve karne ke liye.
Baghdad Iraq, Khasfa Mass Grave ki Excavation, 4,000 Lashain Mili
Baghdad, Mosul ke qareeb Khasfa mass grave ki excavation shuru ho gayi. Yahan kam az kam 4,000 lashain hone ka andaza, victims mein soldiers, Yazidi aur shehri shamil. Site 150m gehra sinkhole hai jahan excavation mushkil hai kyunke zameen sulphur water se porous hai. UN ke mutabiq yeh Iraq ka sabse bara mass grave ho sakta hai.
Ecuador Santo Domingo Pool Hall Firing, 7 Afraad Halak
Ecuador ke shehar Santo Domingo ke eik pool hall mein gunmen ki firing se kam az kam 7 afraad halak ho gaye. Attackers black masks mein aaye, entrance par firing ki aur andar ghus kar goliyaan chalate rahe, phir bhaag gaye. Pichle mahina bhi eik pool hall mein 9 log mare gaye tha. Ecuador ab drug cartels ke violence ka markaz ban chuka hai.
Sindh Hukumat Free Solar Panel Scheme, Kon Log Is Scheme Ka Faida Utha Sakte Hein?
Sindh hukumat ne free solar panel scheme shuru kar di jo un gharon ke liye hai jo mahina mein 100 units tak bijli istemal karte hain. 200,000 families ko panels milne hain, 77,000 ghar le chuke, 123,000 agle phase mein milenge. Zyada applications aane par lottery hogi. Energy Minister ka kehna hai ke logon ko sasti aur clean energy di ja rahi hai.
Punjab CM Maryam Nawaz, Diesel Sastay Hone Par Transport Kiraye Kam
Punjab CM Maryam Nawaz ne hukum diya ke diesel sasta hone ke baad transport kiraye foran kam kiye jayein, yeh awaam ka bunyadi haq hai. Federal govt ne diesel Rs12.84 kam karke Rs272.99 per litre kar diya. Kerosene aur light diesel bhi saste hua petrol price Rs264.61 per litre barqarar.
KP Floods, 323 Halak, 156 Zakhmi, Ghar Tabah
Khyber Pakhtunkhwa mein shadeed barsaat aur flash floods se 323 log halak hogaye aur 156 zakhmi. Sabse zyada nuqsan Buner mein, 209 afraad halak. 336 ghar tabah or kuch ko shadeed nuksan pahuncha. PDMA ne 21 August tak barish ki warning di. CM ne relief funds jari kiye, jabke PM Shehbaz aur Army ne rescue aur madad tez karne ka hukum diya.
China Ne Skilled Foreign Youth Ke Liye Naya K Visa Launch Kar Diya
China ne STEM fields (science, technology, engineering, math) ke skilled foreign youth, including Pakistanis, ke liye naya K Visa launch kar diya. Yeh 1st October 2025 se effective hoga. Applicants ke pass Bachelor ya upar ki degree honi chahiye. K Visa holders ko education, science-tech aur cultural exchange activities mein hissa lene ki ijazat hogi aur stay aur entry mein zyada flexibility milegi.
Lahore Court Ne Transgender Party Case Saboot Na Hone Par Dismiss Kiya
Lahore mein transgenders ke khilaaf “objectionable party” case dismiss ho gaya. Court ne kaha raid baghair permission hui, koi saboot ya gawah record par nahi tha. Maria B ki viral video par FIR register hui thi jisme 50–60 afraad ka zikar tha. Magistrate ne sab accused ko release kar diya, jabke activists ne morality laws ke misuse par concern uthaya.
Awam Express Lodhran Main Derail, 1 Jaan Gayi 32 Zakhmi
Awam Express Lodhran ke qareeb brakes fail hone se derail, 1 passenger jaan se gaya, 32 zakhmi. Federal Railway Minister Hanif Abbasi ne officers ko sakht warning dete hua kaha ke insani zindagi se khelna bardasht nahi. Accident ke baad emergency meeting, dummy coaches hatane, track inspections aur drivers ki refresher training ka hukum.