Sana Yousuf Murder Case, 20 September Ko Charges Frame Hongy
TikToker Sana Yousuf murder case mein badi progress, Islamabad court ne 20 September ko mulzim Umar Hayat par charges frame karne ka faisla suna diya. Police ne mulzim ko court mein pesh karke challan ki copies di. Yaad rahe 3 June ko Umar ne Sana ko goli maar kar qatal kiya tha, case Sumbal Police Station mein registered hai.
2025 Kay 8 Mahino Mein Karachi Crimes 32% kam Hogaye, AIG Ki Report
Karachi AIG Javed Alam Odho ka kehna hai ke 2025 ke pehle 8 mahina mein January se august tak shehar ke crime rate 32% tak kam hogaya. Murder cases 30%, street crimes 16%, robberies 20% aur vehicle theft 9% kam hua. Police ne 2,452 mulziman ko giriftar kiya aur 62 agwa shuda afraad ko mehfooz tor par recover kiya.
Israel Army Kehti Hai Ke 250,000 Se Zyada Residents Gaza City Chor Gaye Hain
Israel ki army ne kaha ke Gaza City ke 250,000 se zyada residents apni hifazat ke liye shehar se doosre areas mein chale gaye hain. Israeli strikes mein pichle din kam az kam 50 log halak. Leaflets mein residents ko evacuation ka hukum diya gaya. UN aur international community ne humanitarian crisis par warning di.
Karachi Mein Dulha Apni Shadi Ke Din Gayab, Talaash Jari Hai
Karachi ke Korangi Madina Colony mein dulha Jahanzeb apni shaadi ke din gayab ho gaya. Mobile ghar par chhod kar salon jaane ke liye nikla, wapas nahi aaya. Police investigations kar rahi hai aur aaj formal case register hoga. Pehli jaanch ke mutabiq ho sakta hai ke dulha khud chhup gaya ho.
Samiya Hijab Ne Kidnapping Case Mein Hassan Zahid Ko “Fi Sabilillah” Maaf Kar Diya
TikToker Samiya Hijab ne apne former fiancé Hassan Zahid ko kidnapping case mein maaf kar diya. Samiya ne kaha ke unhone “Fi sabilillah” maafi di, bina kisi paisay ke. Zahid ne likhit taur par wada kiya ke future mein woh koi action nahi lega. Samiya ne pehle ke allegations bhi wapas le liye, engagement pehle hi khatam ho chuki hai.
PTA Ne Revised FSS License Draft Jari Kar Diya
PTA ne Fixed Satellite Service (FSS) license ka revised draft jari kar diya, stakeholders ki feedback shamil kar ke. Draft 19 September tak website par available rahega, uske baad final approval ke sath license issue hoga. PTA ne data leak reports ko reject kiya, kaha subscriber data operators ke paas hai, koi breach telecom sector mein nahi.
LA County Mein Bacha Measles Ki Rare Complication Se Wafat Pa Gaya
Eik school-going bacha measles ki rare complication SSPE se jaan bahaq ho gaya. Child infancy mein measles se infect hua tha jab vaccine lagana mumkin nahi tha. LA officials ke mutabiq infants ka risk zyada hota hai. CDC ne confirm kiya ke 2025 mein ab tak 1,454 measles cases report ho chuke hain.
Dutch Announces, Agar Israel Eurovision 2026 Mein Shamil Hua Toh Contest Boycott Karenge.
Netherlands ne announce kiya ke agar Israel Eurovision 2026 mein aya to woh contest boycott karenge. Dutch broadcaster AVROTROS ne Gaza ki insani tabahi aur Israel ki press freedom violations ka hawala diya. Ireland aur Spain bhi boycott ki dhamki de chuke hain. Eurovision Vienna mein hoga, lekin boycott ka pressure EBU par barhta ja raha hai.
Rajanpur Mein Flood, India Ne Indus Mein Pani Chhor Diya
India ne Indus River mein pani chhor diya jiske baad Rajanpur ke Rojhan aur aas paas ke ilaqa doob gaye. Hazaron acre faslein tabah, ghar aur schools pani mein ghire, log rescue aur private boats se nikal rahe hain. Punjab Police ne evacuation ka hukum diya, relief camps lag gaye. Pani ka flow ab Sindh ki taraf barh raha hai.
Russia Ke Far East Mein 7.4 Magnitude Ka Zalzala
Russia ke Far East Kamchatka coast par 7.4 magnitude ka zalzala record hua. USGS ke mutabiq zalzala 111 km Petropavlovsk se door aur 39.5 km gehrai mein aaya. Pehle tsunami alert diya gaya tha ke 1 meter tak ke waves ho sakti hain, lekin baad mein warning lift kar di gayi. July mein yahan 8.8 magnitude ka zalzala bhi aaya tha.