Hollywood Star Ka Shah Rukh Khan Ko Zabardast Kharaj-E-Tehseen, Tom Cruise Aur Ronaldo Se Muqabla
Hollywood ke mashhoor actor Terry Crews ne Shah Rukh Khan ko zabardast kharaj-e-tehseen pesh ki. Unhon ne SRK ki shohrat ka muqabla Tom Cruise aur Cristiano Ronaldo se karte hue unhein super international star qarar diya. Terry Crews ne Bollywood ka hissa banne ki khwahish ka bhi izhar kiya.
Saal 2025 Showbiz Mein Off-Screen Joriyan Bannay Ka Saal Raha
Saal 2025 Pakistani showbiz ke liye off-screen joriyon ka saal raha, naye couples bane. Kubra Khan se le kar Zarar Khan tak kai mashhoor actors, models aur influencers ne shadi, nikah ya mangni ki. Saal bhar achanak announcements, grand weddings aur kuch hairat angez joriyon ne fans ki tawajjoh hasil ki.
Adakari Se Zyada Karobar Mujhe Mutmain Karta Hai: Komal Aziz
Pakistani actress aur entrepreneur Komal Aziz Khan ne kaha hai ke unhein acting ke muqablay mein business zyada mutmain karta hai. Instagram Q&A mein unhon ne bataya ke business mein dimagh zyada use hota hai aur market value waqt ke sath barhti hai, jabke acting mein aisa nahi hota.
Main Bharat Mukhalif Nahi, Lekin Jang Mein Hamesha Pakistan Ke Saath Khara Hoon: Farhan Saeed
Farhan Saeed ne kaha ke woh Bharat mukhalif nahi, lekin jang ke doran hamesha Pakistan ke saath khada rahenge. Interview mein unhon ne bataya ke Pakistan-Bharat tension ke doran unke kuch Indian fans ne unko follow karna band kar diya. Farhan ne ye bhi kaha ke unka “Pakistan Zindabad” ka nara desh ke liye wafa aur mohabbat ka izhar hai.
Nauman Ijaz Pakistan Ke Halaat Se Disappointed Kyu Hai?
Mashhoor actor Nauman Ijaz ne ARY Digital ke show The Buzz mein Pakistan ke mojooda halaat par mayoosi ka izhar kiya. Unka kehna tha ke woh abhi bhi mulk se mohabbat aur umeed rakhte hain, lekin Pakistan ko system ki safai aur imandari ki qeemat wapas lanay ki sakht zaroorat hai
2025 Mein Showbiz Mein Bohat Se Rishtey Toot Gaye, Asim Azhar Se Anoushay Abbasi Tak Kai Joriyan Alehadgi Ka Shikar
2025 mein kai showbiz joriyan alehadgi ka shikar hui. Asim Azhar aur Mehrb Ali ne mangni khatam ki, Zara Tareen aur Faran Tahir ne shadi ke 4 mah baad alehadgi ikhtiyar ki, Hina Rizvi aur Ammar Ahmed alag rehne lage. Doosri joriyon mein Aiman Zaman, Sarah Ameer, Subhan Amies, Meera Sethi, Sahar Hayat aur Anoushay Abbasi shamil hain.
Main Faisal Qureshi Ya Humayun Saeed Nahi, Jo Mujhe Makeup Ki Zaroorat Pesh Aaye: Nauman Ijaz
Senior actor Nauman Ijaz ne kaha hai ke woh makeup par nahi balke apne kirdar par yaqeen rakhte hain. Interview mein unhon ne mazaahiya andaaz mein kaha ke woh Faisal Qureshi ya Humayun Saeed nahi jo makeup ki zaroorat ho. Unka kehna tha ke unki tawajjoh hamesha performance par rehti hai, na ke looks par.
Indian Actress Nandini Ne Shadi Ke Dabao Mein Khudkushi Kar Li
Indian actress Nandini ne apne parents ke dabao ki wajah se shadi ke liye tayar na hone par Bengaluru mein apne ghar mein khudkushi kar li. Unhone ek note bhi chhoda jisme unhone likha ke woh emotionally dabao mein thi aur depression ka shikar thi. Police abhi investigation kar rahi hai aur asli wajahain confirm ki jayengi.
Sajid Khan Shooting Ke Doran Hadsay Ka Shikar
Mashhoor Indian director Sajid Khan Mumbai mein shooting ke doran hadsay ka shikar ho gaye. Set par paon mein fracture hone ke baad unki surgery ki gayi. Unki behan Farah Khan ne tasdeeq ki ke 28 December ko surgery kamyabi se hui aur ab Sajid Khan ki tabiyat behtar hai.
Aamir Khan Ki Kamai Aur Shohrat Se Mujhe Koi Asani Nahi Mili, Imran Khan
Bollywoood actor Imran Khan ne kaha ke unko mamu Aamir Khan ki kamai ya shohrat se koi asani nahi mili. Unhone clarify kiya ke filmy family ka hona unke liye faida nahi tha. Imran ne career ke ups and downs, financial struggles aur ex-wife Ontika Malik se alehadgi ke doran mushkilat ka zikar kiya. Ab woh comeback ke liye tayyar hain.