Karachi PECHS Call Center Se 30 Employees Rescue Kiye Gaye
Karachi ke PECHS area me heavy monsoon rains ke baad eik call center, jahan 30 employees, including women, phans gaye. Rescue 1122 ne emergency operation karke sab ko safely evacuate kiya. City me urban flooding aur waterlogging continue, authorities ne unnecessary travel avoid karne aur paani se door rehne ki warning di. Internet services restore ho gayi.
Karachi Forecast, 20 Se 21 August Barish Aur Hawa Ka Alert
Karachi me 20-21 August 2025 ko weather change hoga. 20 August ko, Thundery showers, haze, max 33°C, min 26°C, northwest winds, 40% rain chance, urban flooding ka khatra. 21 August ko, Halki clouds aur breezy weather, max 33°C, min 27°C, westerly winds, rain ka chance kam. Umbrella saath rakhein aur weather alerts check karte rahen.
Karachi Barish Se Flights Delay, Quetta Sukkur Flights Cancel
Karachi me heavy barish se flight operations disturb ho gaye. PIA ki Karachi, Lahore flight 3 ghante delay, Quetta aur Sukkur flights cancel, Islamabad flight eik ghanta late hui. FlyDubai ki Dubai, Karachi flight Multan divert karke 7pm par utri, FlyJinnah ki Peshawar, Karachi flight 2 ghante delay. Mayor Murtaza Wahab ne rain emergency declare kar ke sab leaves cancel kar di.
Karachi Hawksbay Par 3 Dost Doob Gaye
Karachi Hawksbay par picnic ke doran 3 dost Khizar, Arbazz aur Arman nahaate hua doob gaye. Edhi divers ne unhein be hoshi ki haalat me nikal kar Civil Hospital pohchaya jahan unki condition tashweeshnaak hai. Yaad rahe 14 August ko bhi Karachi ke mukhtalif maqamat par 8 afraad doob gaye tha, rescue teams abhi bhi talaash me masroof hain.
Misr Ka Mashhoor TikToker Yasmeen Asal Mein Ladka Nikla
Misr me mashhoor TikToker Yasmeen asal me 18 saal ka student Abdul Rehman nikla jo ladki ban kar videos bana raha tha. Police ne complaints par giraftar kar ke 4 din ka remand diya, baad me 5000 Egyptian pounds guarantee par reha kar diya. Abdul Rehman ne qabool kiya ke account sirf followers aur paisa kamane ke liye banaya.
PCB Ne 2025-26 Central Contracts Ka Elan Kar Diya
PCB ne 2025-26 ke liye central contracts ka elan kar diya jo 1 July 2025 se 30 June 2026 tak valid honge. Sabse bara surprise Babar Azam ka A category se bahar hona raha, jis par sabiq bowler Tanveer Ahmed ne tanz kiya. Abrar, Haris, Saim, Salman aur Shadab ko C se B me promotion mili, total 30 players shamil hain.
Islamabad Me 567 Rape Cases, 200 Bache Victim
January 2021 se June 2025 tak Islamabad me 567 rape cases register hua, jismein se 200 bachon se related the (93 larke, 108 larkiyan shamil hein). lakin ab tak 222 accused arrest hua, 12 ko saza mili, 163 trial me, 15 acquit aur 26 farar. Interior Minister Mohsin Naqvi ne bataya ke 485 cases challan, 80 convict aur 406 abhi trial me hain.
Northern Pakistan Floods, 400 Halak, 5.8 Billion Relief Approved
Pakistan ke northern areas me monsoon rains aur flash floods se 400 se zyada logon ki jaan gayi, 707 se zyada total deaths hue. ECC ne Rs 5.8 billion ka relief package approve kiya, 4 billion rupees release kiye gaye. Army aur NDMA ne 25,000 log rescue kiye, tents, food aur medicines pohanchi. Punjab aur KP me heavy rains alert.
Babar Rizwan Bahar, Pakistan Asia Cup Ka Naya Squad
Pakistan ne UAE T20 Tri-Series aur Asia Cup 2025 ke liye 17-member squad announce ki, jismein Babar Azam aur Mohammad Rizwan absent hain. Young players Saim Ayub, Sahibzada Farhan aur Fakhar Zaman key role nibhaenge. Shaheen Afridi aur Haris Rauf bowling mein stability denge. Squad UAE conditions aur improved fielding ke liye banaya gaya. Pehla test Pakistan-India clash 14 September ko hai.
Karachi Barish Hadsat, Current Aur Girti Deewar Se 8 Halakatein
Kal subha se Karachi me musalsal barish ke doran 8 afraad jaan bahaq ho gaye. Gulistan-e-Johar me deewar girne se 4, North Karachi aur Defence me current lagne se 2, Orangi Town me eik naujawan current se aur Malir petrol pump ki aag me eik shakss jaan se gaya. Urban flooding ke sabab aaj schools band rahenge.