NDMA Alert, Sindh Punjab GB Mein Flood Khatra Barh Gaya
Chairman NDMA Lt Gen Inam Haider Malik ne kaha ke Sindh, Punjab aur Gilgit Baltistan se flood ka khatra abhi khatam nahi hua, aglay do haftay bohat khatarnaak ho sakte hain. 30 August tak heavy rains aur landslides ka imkaan hai. Darya-e-Sutlej ka pani 2 lakh cusecs tak barh sakta hai, evacuation zaroori. Army, FC aur govt relief mein masroof hain.
Karachi Mein Bijli Band Hone Ke Sab Records Tod Gaye
Karachi mein bijli band hone ne sab records tod diye. Barish ke dinon baad bhi KE ka system poora restore na ho saka, feeders aur cable faults ki wajah se supply band hai. Model Colony, Gulshan, Surjani, Scheme 33 aur Gadap mein ghanton ki loadshedding se shehri pareshaan. Shehriyon ka shadeed ehtijaj, KE aur hukoomat se foran action ka mutalba.
FIA Ne Gujrat Gujranwala Se 4 Visa Fraud Mulzim Giraftar Kiye
FIA ne Gujrat aur Gujranwala mein action karte hua 4 mulzim giraftar kiye jo human smuggling aur visa fraud mein mulawis tha. Sabir Hussain, Shamshad Ali, Talha aur Muneer Ahmed logon se paisay le kar farar ho gaye tha. FIA ne eik aur mulzim Sajjad Ahmed ko bhi pakra jo Turkish Embassy mein fake bank statement ke sath visa apply kar raha tha.
Karachi Mein Medicine Ki Qeemat Record Had Tak Barh Gayi
Karachi mein medicine ki qeematon mein shadeed izafa, mareez aur unke ghar walay pareshan. Multivitamin injection 1100 se barh kar 1400 hogaya, pet ki tablets 100 rupay mehangi. Khoon aur dard ki medicine mein 100 se 200 rupay izafa hua hai. Sugar ki medicine 470 se 650, blood cancer ki medicine 62,500 se barh kar 69,999. Injection bhi 3,000 rupay mehanga.
Sindh Mein 10 Hazar Free E-Bikes, Online Apply Shuru
Sindh Labour Minister Shahid Thaheem ne kaha ke Workers Welfare Board ke zariye 10 hazar free electric bikes industrial women workers ko di ja rahi hain. Registration shuru ho chuki hai, aur applications official website [www.wwbsindh.gov.pk] par submit ki ja sakti hain. Scheme mein 45 saal tak ki women eligible hain, jabke minorities ke liye 20% quota rakha gaya hai.
NAB Ne B4U Fraud Victims Ko Payments Dena Shuru Kardi
NAB Rawalpindi ne B4U fraud case ke ab tak 17,500 victims ko payments dena shuru kar diya, 3.7 billion rupees cheques distribute ho chuke hein. Is scheme mein 7% monthly profit ka wada karke arbon lootay gaye. Eik mulzim ke 56 accounts aur properties freeze, 7.3 billion recovery shuru. 10,000 victims ko full payment, 7,500 ko 40% mile.
NADRA Ka System Upgrade Ka Elan, Services Mutasir Hongi
NADRA ne announce kiya ke system upgrade hoga jiske zariye services aur facilities behtar banai ja rahi hain. 22 August Friday ki raat 11 baje se 12 baje tak kuch services temporarily affect ho sakti hain. NADRA ne citizens se maazrat kar li. NADRA CNIC, birth, death, B-form aur family registration jaise documents issue karta hai.
Pakistan Bangladesh Ne Diplomats Ka Liye Visa Free Entry Di
Pakistan aur Bangladesh ne visa free entry ka moahida tay kar liya. Dono mulkon ke diplomats aur official passport holders bina visa ke eik dosray ke mulk ja saken ge. Agreement 5 saal tak effective rahega, baad mein renew ho ga. Advisory councils ne approval di. Qadam dono mulkon ke relations aur cooperation mazboot karega.
India Aur France Ka Fighter Jet Engines Banane Ka Moahida
India ne French company ke sath fighter jet engines banane ka plan announce kar diya. Defence Minister Rajnath Singh ke mutabiq aircraft engines India mein hi manufacture honge. Media reports Safran ka naam le rahi hain. India ne abhi France se 26 Rafale jets ka deal bhi sign kiya, MiG-29K replace honge. 2033 tak $100 billion ke defence contracts announce.
Karachi Mein 60 Lakh Ke Naqli Currency Notes Baramad
Karachi mein Gadap police ne Asfand naam ka shakhs ko giraftar kar liya jo 60 lakh ke fake notes market mein phailane aya tha. Usne bataya ke Darra se 1 lakh ke naqli notes 16–17 hazar mein milte hain, aur usay per packet 2 hazar commission milti thi. Fake currency Karachi aur Multan mein supply hoti thi. Case register, tehqiqaat jari