Nadra Naya Nizam, Ghair Muqami Afraad Family Records Se Out
Pakistan mein ghair-qanooni rehaishiyon ke khilaaf operation jari, Nadra ka naya nizam foreign nationals ki pehchan asaan bana raha. Har Pakistani ghar baithe Pak ID app ya office se free mein apna family record dekh sakta hai. Spokesperson ke mutabiq ajnabi shaks family tree mein ghalti, dhoke ya jaan boojh kar shamil ho sakta hai, jise report karke hataaya ja sakta hai.
Eik Shakhs Ne Biwi, Beti, Bhatija Aur Sasur Ko Qatal Kar Diya
Lahore ke Harbanspura area mein domestic jhagre par mulzim Imran ne apni biwi, 14 saal ki beti, 15 saal ke bhatija aur sasur ko qatal kar diya aur wardat ke baad farar ho gaya. Police ne laashain hospital bhej kar case register kar liya, SP Cantt ke mutabiq mulzim ki giriftari ke liye special team chapa maar rahi hai.
Balochistan Mein Plastic Bags Par Mukammal Pabandi
Quetta aur Balochistan bhar mein plastic bags par pabandi laga di gayi hai. CM Sarfaraz Bugti ki meeting mein faisla hua. Quetta ke 84 wards se rozana 1,000 ton kachra uthaya jata hai, ab tak 2,81,000 ton kachra collect hua. 18 nallo ki safai complete, government ne environment friendly bags use karne ki hidayat di.
Upper Dir KP, 3 Din Ke Operation Mein 9 Terrorists Khatam
KP ke Upper Dir mein police aur CTD ke 3 din ke joint operation mein 9 Fitna al-Khawarij terrorists khatam hua. Clashes mein 2 civilians shaheed aur 10 personnel zakhmi hua. PM Shehbaz aur Interior Minister Mohsin Naqvi ne forces ki bravery aur professionalism ki tareef ki aur zakhmi personnel ke liye best medical care ki hidayat di.
PM Shehbaz Sharif, G-B Floods Ke Liye 4 Billion Aid Announce
Islamabad mein ECC ne Gilgit-Baltistan ke flood affected areas aur victims ke liye 3 billion rupay grant approve kiye. Finance Minister Mohammad Aurangzeb ki leadership mein faisla hua. PM Shehbaz Sharif ne pehle hi 4 billion rupay federal aid ka elan kiya tha. Heavy rains aur glacier bursts se dozens shaheed aur 37 areas disaster hit declare.
KP Govt Approves Housing Bill, Employees Salaries Se Deduction
KP Assembly ne Government Servants Housing Foundation Bill approve kar diya. Bill ke mutabiq sarkari employees ko during service aur retirement plots milenge, registration aur monthly deductions ke saath, na profit na loss basis par. Saath hi, recent floods se affected logon ke liye salaries se deductions honge, 17th grade ki 2 din ki salary, 1st se 16th grade 1 din ki salary deduct.
Pakistan Mein Polio Cases Barh Kar 23 Ho Gaye
Khyber Pakhtunkhwa mein polio ke 2 naye cases report hua, eik Tank aur eik North Waziristan se, jis ke saath Pakistan mein total cases 23 ho gaye. K-P mein ab tak 15 cases hain. Health officials ne parents se OPV vaccinate karne ki appeal ki, aur 1–7 September nationwide door to door campaign start hogi, southern K-P par focused campaign 15 September se.
Taylor Swift Ne Travis Kelce Se Engagement Ka Elan Kiya
Taylor Swift, Travis Kelce se shaadi kar rahi hain. Unhon ne close-up haath ki photo share ki jismein diamond ring dikh rahi thi aur caption tha: “Your English teacher and your gym teacher are getting married”. Fans ne post ko millions likes diye aur congratulatory messages bheje. Dono ka relationship kaafi public hai aur woh aksar saath appear karte hain.
China Se 100 Nayi Electric Buses Punjab Ke Liye Dispatch
China se 100 nayi electric buses Pakistan ke liye dispatch, aglay hafton mein Punjab pohanchengi. CM Maryam Nawaz kehti hain December tak har district mein modern buses chalengi, kiraya sirf Rs.20 hoga. Is saal Lahore ko 11 buses mili thi, Green Town mein charging station bana. Faisalabad aur Bahawalpur ke liye bhi tenders issue ho chuke.
IMF Ne Pakistan Se Natural Disaster Insurance Barhane Ko Kaha
IMF ne Pakistan ko kaha hai ke natural disasters se hone wale billions ke nuqsan kam karne ke liye insurance coverage barhaya jaye. Development projects ke liye mandatory insurance cover ka demand kiya gaya. SECP ke paas technical experts ki kami hai. ADB ne bhi insurance system ko expand karne aur comprehensive plan banane par zor diya.