TikToker Khurram Gujar Ne Overseas Pakistani Se Fraud Kiya
TikToker Khurram Gujar ko overseas Pakistani Arslan ko 6.56 crore rupay (2 lakh Euro) ka fraud karne par arrest kar liya gaya. Arslan ne paisay wapas maangne par dhamkiyan mili. Police kehti hai Khurram ne commercial plot ke naam par fraud kiya. TikTok addiction aur social media ke chalte Pakistan mein jawan bhi iske shikar ho rahe hain.
Pehli Bar Saudi Arabia Mein Gutter Ke Dhakkan Chori Hogaye
Saudi Arabia ke Jeddah, Al-Jawad area mein pehli dafa 50 se zyada gutter covers chori ho gaye. Dhakkan chori hone ki wajah se streets mein pani khula reh gaya, jis se badboo aur macharon ka khatra barh gaya hai. Local log pareshan, aur National Water Company ne investigation shuru kar di. Experts kehte hain scrap market ko regulate karna zaroori hai.
SC Ne 12 Saal Baad Beti Ke Rape Case Mein Baap Ko Riha Kar Diya
Islamabad Supreme Court ne 12 saal qaid ke baad eik admi ko riha kar diya, jise apni beti ke sath rape ke ilzaam mein life imprisonment hui thi. Court ne trial court aur LHC ke faislay kharij kar diye, kyunke saboot contradictory aur unreliable tha. Case 2010 ka hai, aur family dispute aur inheritance issues bhi saamne aaye.
Na Maloom Afraad Ki Firing Se Police Shaheed
Bannu ke Thana Cant mein namaloom afraad ki firing se police officer Riyaz Shah shaheed ho gaya. Police ne case register karke investigation shuru kar di hai. Pehle Spina Tangi Chashma mein terrorists ke saath encounter mein 3 CTD officers shaheed aur 2 zakhmi hua. Eik din pehle Kot Adil ke qareeb firing exchange mein eik terrorist killed aur 2 police officers zakhmi hua tha.
Shehar Ke Halat Dekhte Hue 29-30 August Tak Aam Tateel
Sialkot mein tez barish aur flood ki wajah se 29-30 August ko tamam schools aur colleges band rahenge. Sirf 48 ghanton mein 512 mm barish hui, jis se shehar aur aas paas ke ilaqa paani mein doob gaye. Deputy Commissioner Saba Asghar ke mutabiq urban areas ke nalay overflow kar rahe hain, aur flood affected logon ki madad jari hai.
Overseas Pakistani Ke Liye Nadra Ki Janib Se eik Ahem Khabar
NADRA ne overseas Pakistani ke liye bari khush khabri sunadi ab UK mein mobile registration service announce kar di hai jahan NICOP renew, gum shudah card recover ya cancel karwaya ja sakta hai. 30 August Saturday ko team Manchester (Blackburn) mein 10am se 4pm aur Bradford (Sheffield) mein 9am se 4pm tak available hogi.
Faislabad Mein Ghar Mein Ghus kar Buzurg Ki Gardan Kaat Di
Jaranwala, Faisalabad ke Chak 30 JB, Sandal Bar mein unidentified logon ne eik ghar mein ghus kar 80 saal ke Ibrahim ki gardan kaat di, jisse wo turant shaheed ho gaye, aur unka beta Tanveer bhi zakhmi ho gaya. Police ne body hospital shift kar di aur investigation shuru kar di. Attack ke do suspects abhi farar hain.
Boards 12th Class 2025 Ke Results Is Hafte Announce Honge
Khyber Pakhtunkhwa ke tamam boards jaise Peshawar, Abbottabad, Bannu, D.I. Khan aur Kohat is hafte 12th Class (Inter Part 2) 2025 ke results announce kar rahe hain. FA, FSc, I.Com aur ICS ke students ka intezaar khatam ho raha hai. Results 30 August ko release honge aur yeh unke future admissions aur universities ke liye bohot important hain.
Quetta Mein Polio Supervisor Hafiz Qadir Jan, Shaheed.
Quetta ke Killi Thekedar area mein polio campaign supervisor Hafiz Qadir Jan ko na maloom logon ne shoot kar ke shaheed kar diya. Wo parents ko upcoming vaccination drive ke baare mein aware kar rahe tha. Attack ke baad log aur police site par pohanche aur body Civil Hospital shift kar di. Police ne investigation shuru kar di.
FIA Officer Ko Women Ko Record Karne Par Suspend Kar Diya Gaya
Torkham border par FIA officer Ehtesham-ul-Haq ko suspend kar diya gaya jab social media par video viral hui jismein wo female travellers ko bina consent ke record karte nazar aaye. DG FIA ne immediate departmental inquiry order ki. Agency ne kaha ke authority misuse aur rules violation bardasht nahi kiya jayega aur staff ko professional aur courteous rehna zaroori hai.