Maryam Nawaz Ki Official X Post A.U.R.A Caption Ke Sath Viral
Punjab CM Maryam Nawaz ne ghalti se apni official X (Twitter) account par eik personal post daal di. Post mein unki tasveer aur caption “A.U.R.A” tha. Thodi dair baad unho ne post delete kardi, magar screenshots viral hogaye. Social media par ye ghalti foran breaking news ban gayi aur logon ne zyada discuss kiya.
Karachi Ke Gutter Se 15 Saal Ke Bacha Ki 3 Din Porani Lash Mili
Karachi ke Sultanabad mein gutter se 15 saal ke Abu Bakr ki 3 din purani laash mili, post-mortem ke liye hospital bheji gayi. Gulistan-e-Johar mein 3 saal ki bachi pani ke gaddhe mein gir kar halak hogayi. Gulshan-e-Maymar Afghan Camp ke jhagre mein 4 auratein aur 1 aadmi zakhmi hua, unhe hospital muntaqil kiya gaya.
Samiya Jafari Par Attack, Jaan Se Marne Ki Dhamkiya, Stalker Hassan CCTV Mein Record
Social media influencer Samiya Jafari apne ghar par attack ka shikar hui. Hassan, jo 3-4 mahina se unhe stalk kar raha tha aur jaan se maarne ki dhamkiyan de raha tha, usne samiya ka mobile cheen kar car mein zabardasti le jaane ki koshish ki, jo CCTV mein record hua. Samia ne police se madad mangi aur Hassan ke arrest ki demand ki.
President Ne NFC Tabdeeli Aur IMF Demands Approve Kardi
President Asif Ali Zardari ne 11th NFC Commission mein tabdeeli approve kardi, Balochistan ne Mahfooz Ali Khan ko naya member nominate kiya. Sath hi Criminal Laws Amendment Bill 2025 bhi sign. Sources ke mutabiq IMF ke pressure par NFC Award formula revise hoga, provinces ka 57.5% share kam aur naya system poverty, tax aur revenue pe base hoga.
Maya Ali Ne Ab Tak Shaadi Na Karne Ki Wajah Bata Di
Actress Maya Ali ne podcast mein shaadi par khuli baat ki, keh diya ke wo sirf logon ke pressure ya age ki wajah se shaadi nahi karein gi. Unka kehna hai shaadi eik bara faisla hai jo genuine connection aur respect pe depend karta hai. Maya ne kaha, “Jab dil ready hoga aur waqt hoga, tab hi shaadi hogi.”
Ducky Bhai Ne Remand Ke Khilaaf Appeal File Kardi
YouTuber Ducky Bhai ne apne 4 din ke physical remand ke khilaaf sessions court mein appeal file kardi. Court ne NCCIA se 1 September tak jawab talab kar liya. Pehle unka 5 din ka remand gambling app promotion case mein extend hua tha. Wife Aroob Jatoi ko 30 August tak interim bail mil gayi.
NCCIA Ne Iqra Kanwal Ko Gambling Case Mein Bulaya
NCCIA ne YouTuber Iqra Kanwal, Mudassir Hassan, Hasnain Shah aur Anas Ali ko 2 September ko hazir hone ka hukum diya, ilzaam hai ke unhon ne online trading aur gambling apps promote ki. Pehle YouTuber Ducky Bhai isi case mein giraftar ho chuke hain, jahan unke paas se digital data aur illegal financial transactions ke saboot mile hain.
ATC Ne Imran Khan Ke Nephews Shahrez Khan Ko Judicial Remand Mein Bheja
Lahore ATC ne Imran Khan ke nephews Shahrez Khan aur Shershah Khan ko May 9 riots aur Jinnah House attack cases mein judicial remand par jail bhej diya. Police ne dono ka physical remand mangte hua saboot recovery, photogrammetric tests aur social media probe ka hawala diya tha, magar court ne request reject karke unhein judicial custody order kar diya.
Wazirabad Floods Mein Medical Madad Na Milne Se New Born Triplets Halak
Wazirabad mein flood ki wajah se eik maa ko waqt par medical madad na milne par uske teen naye paida hone wale bacha (2 larkiyan, 1 larka) intiqal kar gaye. 28 August ko Nala Phalko ke paas delivery gari mein hui kyunke sarkein doobi hui thi. Punjab abhi bhi shadeed flooding ka shikar hai, PTA ne free voice minutes announce kiye.
Taleemi Idaray 5 September Tak Band Rakhne Ka Notification Jari
Sialkot mein flood situation ke sabab 5 September tak schools band karne ka notification jari, Shekhupura, Sharaqpur, Muridke aur Safdarabad mein bhi taleemi sar-garmiyan moattal. DC Saba Asghar ke mutabiq 48 ghanton mein 512 mm record barish se 3 nala overflow kar gaye, urban areas jal thal. DC ne kaha flood affectees ki madad har haal mein ki ja rahi hai.