Turkey Mein Jo Jaali Currency Use Ki Woh Pakistan Se Tabdeel Karwa Ke Le Gayi Thi, Madiha Imam
Actress Madiha Imam ne khulasa kiya ke unse pehli dafa Turkey trip par jaali currency istemal ho gayi jo unhon ne Pakistan se exchange karwayi thi. Fruits kharidte waqt vendor ne pakar liya aur gussa kiya, magar eik Turkish driver ne unki payment kar di. Madiha ne kaha ke us waqt main “bohot mushkil mein phans gayi thi.”
Court Ne IO Ko Ducky Bhai Case Ki Investigation Jald Mukammal Karne Ka Hukum De Diya
Lahore court ne YouTuber Saad ur Rehman urf Ducky Bhai ke case mein IO ko jaldi investigation mukammal karne ka hukum de diya. Ducky Bhai pe online gambling apps promote karne, money laundering aur illegal payments lene ke ilzamat hain. NCCIA ne uske phone se WhatsApp chats aur payments ke saboot bhi recover kiye. Case October 2 ko dobara sunaa jaayega.
Balaj Yasir Se Walid Yasir Nawaz Ki Girlfriend Se Mutaliq Sawal Par Waldain Par Kari Tanqeed
Actor-director Yasir Nawaz aur host Nida Yasir ka beta Balaj eik viral video ke baad social media par tanqeed ka nishana ban gaya. Clip mein Balaj se “Baba ki girlfriend” ka sawal kiya gaya jahan usne mazaak-masti mein jawab diya. Netizens ne parents ki tarbiyat aur inappropriate questions par sawal uthaye, aur is act ko ghalat qarar diya.
Saudia Ne Apple Ka ‘Find My Feature’ Baggage Tracking Ke Liye Introduce Kar Diya
Saudi Airlines (Saudia) ne Apple ka “Find My Feature” baggage tracking ke liye launch kar diya! Ab musafiron ko apne saman ka secure location link iPhone, iPad ya Mac se mil sakta hai, jo Saudia portal se connect hoga. Feature 7 din tak active rahega aur safe, encrypted sharing ensure karega. Yeh sahulat khaas taur pe Pakistani travelers ke liye mufeed hogi.
OpenAI Ne ChatGPT Mein Parental Controls Launch Kar Diye
OpenAI ne ChatGPT ke liye parental controls launch kar diye! Ab parents apne teens ke accounts link karke sensitive content block, quiet hours set, voice aur image features disable kar sakte hain. Chat history unko nahi milegi, lekin serious safety risk pe alert zaroor hoga. OpenAI eik age prediction system bhi bana raha hai!
WhatsApp Ne Naya Shortcut Introduce Kiya Jahan Status Viewers Se Seedha Chat Ki Jaa Sakti hai
WhatsApp ne naya shortcut feature launch kiya hai jahan aap status viewers list se direct eik tap pe chat shuru kar sakte ho, status screen se bahar nikle baghair. Yeh feature abhi iOS beta users ke liye hai, jaldi sab ke liye aayega. Saath hi WhatsApp ne quick sharing, redesigned layout, aur translation option bhi add kiya hai!
Vivek Oberoi Ne Aishwarya Ke Mamle Par Peeche Hatne Ki Wajah Bata Di
Actor Vivek Oberoi ne Aishwarya Rai aur Salman Khan ke mamle par khamoshi tod di. Unka kehna hai ke woh “khauf mein jeena nahi chahte the” is liye peeche hat gaye. 2003 ki press conference jahan Vivek ne Salman par dhamkiyon ka ilzaam lagaya tha, unke career ke liye bada setback bana. Aaj woh kehte hain ke sab kuch “khuda ki aazmaish” thi.
Deepika Aur Farah Khan Ki Dosti Mein Darar
Deepika Padukone aur Farah Khan ki purani dosti mein shayad daraar aa gaya! Farah ke tanzeeyana comments ke baad dono ne eik dusre ko social media par unfollow kar diya, hatta ke Ranveer Singh ko bhi. Reports ke mutabiq Deepika ke 8 ghante shifts, heavy fees aur profit share demands par films se nikalna aur Farah ke taanay is tension ki wajah bane.
Rapper Badshah Ne Doosri Rolls-Royce Khareed Li
Indian rapper Badshah ne apni doosri Rolls-Royce Cullinan Series 2 khareed li or fans ko apni qamiyabi se hairaan kardia, unki car ka price takreeban 12 crore rupey hai. Social media par usne tasveerain “Zayn wale ladke” caption ke sath share ki. Isse pehle bhi Rolls-Royce own karte hain. Recently unhone North America shows se $6 million (53 crore rupey) kamaye.
Pakistan Mein A Aur O Level Ke Talaba Ke Liye Nayi Sahulat Mutarif
Cambridge International ne Pakistan ke A & O Level students ke liye badi sahulat introduce kar di! Ab talaba apni exam answer scripts online dekh sakenge aur scrutiny ka faisla karenge wo bhi bilkul free. Country Manager Uzma Yusuf ke mutabiq, yeh step transparency ke liye hai. Pakistan mein 1.3 lakh se zyada talaba Cambridge se enrolled hain.