Makkah Mukarramah Mein Nikah Ka Faisla Kis Ka Tha? Gohar Rasheed Ne Bata Diya
Actor Gohar Rasheed ne bata diya ke Makkah Mukarramah mein nikah karne ka faisla un dono ka milkar tha! Podcast mein Gohar ne kaha ke ye unka purana khwab tha ke shadi Makkah mein hi ho. Unhone kaha, “Jab decide kiya shadi ka, toh confirm tha ke Makkah mein hi hogi.”
Comedian Munawar Faruqui Ko Qatal Karne Ki Sazish Nakaam
Delhi Police ne Goldy Brar gang ki Munawar Faruqui ko qatal karne ki sazish nakaam bana di! Do shooters, Rahul aur Sahil, eik encounter ke doran giraftar. Reports ke mutabiq unhe gangster Rohit Godara ne Munawar ke qatal ka hukum diya tha. Police ne kaha, operation jari hai aur mazeed arrests honge.
Video Game Khelte Hua Beti Se Nazebah Tasveerain Maangi Gayi, Akshay Kumar Ka Inkishaaf
Bollywood actor Akshay Kumar ka shocking inkishaaf, kaha kuch mahina pehle eik online video game khelte hua unki beti se eik ajnabi ne nazebah tasveerain maangi! Akshay ne appeal ki ke Maharashtra ke schools mein Cyber Period har hafte lazmi hona chahiye taake bachay online dangers se bach sakein.
Salman Khan Karachi Ki Biryani Aur Haleem Ke Bohat Baray Fan Hain, Kashif Khan
Comedian Kashif Khan ka inkishaaf, Salman Khan Karachi ki Biryani aur Haleem ke bohat bade fan hain! Kashif ne bataya ke woh Burns Road se Salman ke liye Biryani aur Haleem le jaya karte the. Unhone kaha ke Bollywood ke kai actors ne unke kaam ki tarif ki, aur Salman unka kaafi qareebi dost tha.
Rani Mukerji Ne Apni Shadi Ki Tasaveerain Share Na Karne Ki Wajah Bata Di
Bollywood actress Rani Mukerji ne bataya ke unhone aur Aditya Chopra ne apni shaadi ki pictures kabhi share is liye nahi kiin kyunke Aditya privacy ke bohat qail hain. Rani ne kaha, “Hamari shadi bilkul private thi, aur hum chahte the ke ye sirf hamara moment rahe.” Unhone mazaak mein kaha, “Shaayad Silver Jubilee pe dikha dein!”
Sabun Ke Ads Mein Dikhaye Janay Walay Manazir Mere Usoolon Ke Khilaaf Hain, Sanam Jung
Actress Sanam Jung ka bold bayan kaha ke woh sabun ke ads mein kabhi kaam nahi karengi! Unka kehna hai ke in ads mein jo bold scenes dikhaye jate hain, woh unke usoolon ke khilaaf hain. Sanam ne reveal kiya ke unhe bade brands se offers mile, magar unhone mana kar diya “Apni values pe compromise nahi karti.”
Mujhe Kaha Gaya Wazan Kam Karo, Surgery Karao, Faiza Hasan
Actress Faiza Hasan ka hairat angez inkishaaf, unho ney kaha ke showbiz ke shuruati dinon mein unhe kaha gaya “wazan kam karo, nose surgery karao!” Faiza ne bataya ke woh tab bhi fit thi magar log body shaming karte tha. Unka kehna hai, “Khoobsurti eik dafa chance dila sakti hai, lekin bar bar mauqa sirf talent deta hai.”
Nimra Ali eik Shoot Ke Kitne Lakh Rupay Leti Hain?
Social media star Nimra Ali ne apni fees ka raaz khol diya! Unhone bataya ke woh eik photo shoot ka kam az kam 1 lakh rupay leti hain. Nimra, jinke Instagram par 3 lakh followers hain, nimra ne kaha ke woh brand ke size aur market value ke hisaab se charges fix karti hain.
Indonesia Ne TikTok Ka Registration Suspend Kar Diya
Indonesia ne TikTok ka registration suspend kar diya! Government ka kehna hai ke TikTok ne live stream feature se related poora data share nahi kiya, sirf partial information di. Officials ke mutabiq kuch accounts ne protests ke doran online gambling aur monetization ki. TikTok ke paas Indonesia mein 100 million se zyada users hain, app abhi tak accessible hai.
Ghar Wapas Mat Aana, Shukriya, Feroze Khan Ka Dusri Biwi Ke Naam Paighaam
Actor Feroze Khan phir se headlines mein! Unhone Instagram story mein apni dusri biwi Dr. Zainab ko tag karte hua likha: “Ghar wapas mat aana, shukriya.” Feroze ne kaha unhe blackmail kiya ja raha hai aur yeh rishta khatam ho chuka hai. Kuch ghanton baad unhone kaha, “Mera account hack hua tha!”