Bhumi Pednekar Ka Jild Ki Bemari Mein Mubtala Hone Ka Inkishaaf
Bollywood actress Bhumi Pednekar ne apni skin disease “Eczema” ka inkishaaf kar diya! Unhone kaha ke ye takleef deh aur be-araami ka sabab banti hai. Bhumi ne bataya ke unhe bachpan se Eczema hai, lekin 3 saal pehle diagnose hua. Unke mutabiq ye stress, travel aur unhealthy diet se barhta hai.
Abrar Ahmed Pakistani Cricketer Nay Shadi Karli
Pakistan ke mystery spinner Abrar Ahmed ne Amna Raheem se Karachi mein shadi kar li! Walima 6 October ko Lahore mein hoga. Nikah pehle ho chuka tha, sirf rukhsati baqi thi. Abrar South Africa ke khilaaf Test series squad mein bhi shamil hain. Pichle mahina Asia Cup final vs India bhi khela tha!
Vijay Deverakonda Aur Rashmika Mandanna Ki Mangni Ho Gayi, Jald Shadi Hogi
South stars Vijay Deverakonda aur Rashmika Mandanna ki mangni ho gayi! Indian media ke mutabiq dono ne private ceremony mein mangni ki jahan sirf family aur close friends shamil tha. Shaadi February 2026 mein expected hai! Ab tak dono ne official announcement nahi ki, lekin fans social media par mubarakbaad de rahe hain!
Brand Deals Ki Wajah Se Cricketers Ka Dhyaan Cricket Se Bhatak Raha Hai: Rabya Kulsoom
Rabya Kulsoom ne qoumi cricketers par nishana lagate hua kaha ke brand deals aur ads ne unka dhyaan cricket se hata diya hai! BBC interview mein Rabya ne kaha, “Players ko cricket khelne ke liye rakha gaya hai, unhe brands ne zyada comfortable kar diya hai.” Unhone feminism par bhi apne strong views diye.
Arbaaz Khan Bachay Ki Aamad Ke Muntazir, Shoora Mumbai Ke Hospital Mein Daakhil
Bollywood actor star Arbaaz Khan aur unki wife Shoora Khan apne pehle bachay ki aamad ke muntazir! Shoora ko Mumbai ke PD Hinduja Hospital mein daakhil karwaya gaya hai. Arbaaz aur Shoora ne December 2023 mein shaadi ki thi. Yeh Arbaaz ki doosri shaadi hai, unki pehli wife Malaika Arora thi.
Farhan Akhtar Ki Walida Honey Irani Ke Driver Par 12 Lakh Rupay Ke Fraud Ka Muqadma
Mumbai Police ne Farhan Akhtar ki walida Honey Irani ke driver aur petrol pump ke eik mulazim par ₹12 lakh ke fraud ka case darj kar liya! Driver ne fuel cards ka ghalat istemal kar ke cash liya. FIR ke mutabiq ye fraud 2022 se 2025 tak chalta raha. Dono par dhokadhadi aur trust breach ke muqadme filed!
Kya Varun Dhawan Hai Bollywood Ka “Scene-Cutting” Co-Star?
Varun Dhawan par laga “scene-cutting co-star” ka ilzaam! Apni film Sunny Sanskari ki Tulsi Kumari ke promotions ke doran, Janhvi Kapoor ne defend kiya,“He’s the last person who’d do that.” Varun ne kaha, “Narratives matter nahi karte, meri dosti aur fans sab sabit karte hain.” Film ne ₹9.25 crore kama liye first day!
Aishwarya Aur Abhishek Ka Google Aur YouTube Ko 4 Crore Ka Qanooni Notice
Aishwarya Rai Bachchan aur Abhishek Bachchan ne Google aur YouTube ko 4 crore rupay ka legal notice bhej diya! Unka kehna hai ke AI se bani fake aur deepfake videos ne unki reputation ko nuksan pohchaya. Unhone court se in videos par permanent ban ki demand ki hai. Agli hearing 15 January ko hogi!
Maruf YouTuber Maaz Safdar Ke Han Betay Ki Paidaish, New Born Ki Tasveer Share
Maruf YouTuber Maaz Safdar aur unki wife Saba Maaz ke ghar betay ki paidaish! Saba ne Instagram par baby ke saath tasveer share karte hua likha, “Alhamdulillah, Allah ke fazal se hamare ghar khubsurat betay ki paidaish hui hai.” Unhone dua di ke Allah use sehat, barkat aur hidayat de.
21 Saal Ki TikToker Apne Ghar Mein Murda Payi Gayi
Honduras ki 21 saal ki TikToker aur TV host Jennifer Nicole Rivas apne ghar mein murda payi gayi! Unki laash 1 October ko Tegucigalpa se mili. Reports ke mutabiq Jennifer mirgi ke marz mein mubtala thi aur maut ka sabab seizure bataya ja raha hai. Fans ne social media par gham aur duaon ka izhar kiya.