TikTok Live Feature, Family Vlogging Ke Khilaaf Idaron Se Report Talab, Jald Action Hoga
Lahore High Court Rawalpindi Bench ne TikTok Live feature aur family vlogging ke khilaaf case par FIA, PTA aur Ministry of Interior se report talab kar li! Arzi guzar Hina Fatima ne demand ki ke TikTok ke Live aur gifting system par pabandi lagai jaye. Court ne data security par bhi tashweesh ka izhar kiya, agli samat 15 October ko hogi.
Karachi Ke Jinnah Hospital Mein Goli Lagne Se Khatoon Halak
Jinnah Hospital mein goli se khatoon Fahmida halak! Police ke mutabiq do na maloom afraad hospital ke bahar firing kar rahe tha, goli Fahmida ke seene mein lagi jab woh apni beti se milne aayi thi. Eik mazdoor Abdul Razzaq bhi zakhmi. Saddar Police ne case darj karke tafteesh shuru kar di.
Sushant Qatal Case Ke 5 Saal Baad Rhea Chakraborty Ko Passport Wapas Mil Gaya
Rhea Chakraborty ko 5 saal baad apna passport wapas mil gaya! Bombay High Court ne NCB ko hukum diya ke passport diya jaye. Rhea ka passport 2020 ke drug case mein jabt hua tha, jo Sushant Singh Rajput case se juda tha. Rhea ne khushi ka izhar karte hua kaha: “I’m ready for chapter two!”
Mahira Khan Ka Karachi Se Mohabbat Aur Uski Haalat-e-Zaar Par Mayoosi Ka Izhar
Actress Mahira Khan ne apne shehar Karachi se mohabbat aur uski haalat-e-zaar par mayoosi ka izhar kar diya! Instagram par Mahira ne Burns Road aur doosre ilaqon ki tasveerain share karte hue likha: “Karachi, main tumse bhut pyar karti hoon, lekin afsos ke hum ne tumhari dekhbhaal nahi ki.”
Covid Vaccine Ka 6 Qisam Ke Cancer Se Talluq
South Korea ki eik nayi research ne halchal macha di, daawa ke mutabiq Covid vaccine ka 6 qisam ke cancer se mumkin talluq ho sakta hai! Experts ne kaha ye initial study hai, abhi final saboot nahi mile. Maahireen ne logon se appeal ki hai ke ghabrayein nahi, aur science-based research ka intezar karein
Kharab Neend Dimaghi Burhape Ka Sabab
Nayi research ke mutabiq kharab neend dimagh ke tezi se boodha hone ka sabab ban sakti hai! Sweden ke experts kehte hain ke neend ke har eik point ki kami, dimagh ki age ko aadha saal barha deti hai. Kharab neend walon ke dimagh 1 saal zyada boodhe nazar aaye. inflammation is process ka main reason ho sakti ha.
Bharati Teacher Ne Daulat Mein Shah Rukh Khan Ko Bhi Peeche Chhod Diya
Indian teacher Alakh Pandey, founder of Physics Wallah, ne daulat mein Shah Rukh Khan ko bhi peeche chhod diya! Unki total wealth ₹14,510 crore tak pahunch gayi, jabke SRK ki daulat ₹12,490 crore hai. Alakh ne 2016 mein YouTube par padhana shuru kiya tha, aaj woh India ke top billionaires mein shamil hain!
Britain Mein Covid Ki Nayi Qisam Ke Cases Mein Izafa
Bartaniya mein Covid ki do nai qisam, Stratus aur Nimbus, tezi se phail rahi hain! Cases August se double ho gaye, Hukoomat ne logon ko mask pehnne aur positive test par isolation mein rehne ki hidayat di hai. Experts ke mutabiq ye variants zyada khatarnak nahi, magar infection risk barh gaya hai!
TV Band Karne Ka Kehne Par Betay Ne Baap Ko Qatal Kar Diya
Maharashtra ke shehar Pune mein afsosnaak waqia, 42 saal ke Sachin Paigude ne choti si baat par apne walid Tanaji Paigude ko chaaku maar kar qatal kar diya! Jhagra sirf TV band karne aur aankhon mein dawa daalne ki baat par hua. Police ne mulzim ko giraftar karke qatal ka muqadma darj kar liya hai.
Main Shah Rukh Khan Ke Saath Kaam Karne Ke Liye Bharat Nahi Jaungi, Momina Iqbal
Pakistani actress Momina Iqbal ne kaha ke woh Shah Rukh Khan ke saath film milne par bhi Bharat nahi jaengi! Eik interview mein Momina ne kaha ke unhe apne mulk mein kaam karke fakhar hai aur yahan milne wali izzat sabse zyada ahmiyat rakhti hai. “Mujhe pehle apne logon ka pyaar chahiye,” unka kehna tha.