President Zardari Ne Qaidiyon Ke Liye 180 Din Remission Allow Kia
President Asif Ali Zardari ne Eid Milad-un-Nabi ﷺ ke mauqe par qaidiyon ke liye 180 din ki khas sentence remission approve kar di. Ye faisla PM Shehbaz aur Federal Cabinet ke mashware se hua. Lekin murder, dacoity, rape, kidnapping, terrorism aur espionage walay qaidiyon ko ye riayat nahi milegi. Zardari ne Nabi ﷺ ki taleemat par amal ka paigham diya.
Lahore Police Ne Jinn Se Agwa Hone Wali Khatoon Case Ki Tehqiqaat Shuru Kardi
Lahore mein eik ajeeb case samne aya hai jahan police ne eik aurat Fouzia Bibi ki talaash shuru kar di hai jo uski walida ke mutabiq 6 saal pehle jinns ne “agwa” kar li thi. DIG Zeeshan Raza ki dekh rekh mein eik Special Investigation Team banayi gayi hai jo mukhtalif angles se case ki tehqiqaat kar rahi hai.
Bajaur Cricket Ground Blast, Eik Halak Eik Zakhmi
Bajaur ke Kohsar Cricket Ground mein local match ke doran dhamaka hua. Police ke mutabiq eik aadmi Fazlullah jaan se gaya aur eik bacha zakhmi ho kar District Hospital Khar pohanchaya gaya. Blast ki awaz door door tak sunayi di aur log afra tafri mein bhag gaye. Security forces ne area seal karke investigation shuru kar di.
PTCL Ka Elaan: Submarine Cable Cut, Internet Slow Ho Sakta Hai
PTCL ne kaha ke Saudi waters (Jeddah ke paas) submarine cables damage hone se Pakistan mein peak hours par internet slow ho sakta hai. SMW4 aur IMEWE networks ka bandwidth effect hua hai. International partners masla solve kar rahe hain aur PTCL alternative bandwidth arrange kar raha hai. IT Ministry ne abhi tak statement issue nahi kiya.
India Ne Sutlej Mein Paani Chora, Flood Alerts
India ne Sutlej River mein ziada paani release kar diya jiske baad Pakistan mein naya flood ka khatra barh gaya. Harike aur Ferozepur barrages ke neeche high alert issue ho chuka hai. PDMA ne 7–9 Sept tak Punjab ke kai shehron mein heavy rains aur flash floods warn kiye. Authorities ko high alert pe kar diya gaya.
Atif Aslam Ne Walid Ki Wafat Ke Baad Concert Par Criticism Ka Jawab De Diya
Canada mein concert karte hua Atif Aslam ne kaha ke walid ke inteqal ke baad performance par logon ki tanqeed ghalat hai. “Meri personal tragedy pe log apne channels chalate hain. Main duniya ko satisfy nahi kar sakta. Pasand karo meri art, nafrat karo mera music se, lekin mujhe apni zindagi explain karne pe majboor mat karo.”
Bulgarian Yoghurt Festival Chinese Tourists Ka Favourite Ban Gaya
Har saal Momchilovtsi village (Rhodope Mountains) mein yoghurt festival hota hai jahan Chinese tourists health benefits ke liye local yoghurt enjoy karte hain. 2009 se Mosilian brand ke zariye China mein popular hua. Yoghurt mein unique Lactobacillus bulgaricus bacteria hota hai jo immunity aur health improve karta hai. Locals kehte hain taste season ke hisaab se change hota hai.
Kya India Ne Jaan Boojh Kar Pakistan Ko Flood Kiya?
Pakistan ke floods ka asli sabab record monsoon rains aur glacier melt hai. Experts kehte hain India ke dams capacity pe pohch gaye to spillways kholna majboori thi, warna collapse hota. Koi saboot nahi ke India ne jaan boojh kar nuksan pohchaya. Magar Indus Waters Treaty suspend hone ke baad data sharing kam hone se early warning system weak ho gaya.
Shohar Paisa Sab Pe Kharch Karte Hein, Biwiyon Pe Nahi
Shoharon ke double standards. Eik TV discussion mein Amna Malik, Rahma Zaman, Ammara aur Areej Chaudhary ne kaha ke mard apna kaam wives pe dal dete hain aur unko grooming ke liye paisa nahi dete. Internet par behas chhed gayi: kuch keh rahe hain husbands biwiyon ka khayal nahi rakhte, aur kuch ka kehna hai yeh sirf income level ka masla hai.
Pakistan Mein Aaj Raat Ko Blood Moon Nazar Ayega
Suparco ke mutabiq Pakistan mein 7 Sept raat total lunar eclipse hoga jo Asia, Africa aur kuch Europe mein bhi visible hoga. Event 8:30pm start, 11:57pm peak aur 1:55am end karega. Ye safe hai aankh se dekhne ke liye. Eclipse ke doran chand laal surkh nazar ayega, is liye ise Blood Moon kaha jata hai.