Shirazi Vlogs Ne Apni Earnings Se Naya School Tayar Kiya
Gilgit-Baltistan ke young siblings Muhammad Shiraz aur Muskan, mashhoor Shirazi Vlogs ke creators, ne apni social media earnings se eik nayi school building tayar kar li! Pehle school toti-phooti halat mein tha, ab proper facilities aur activity areas hain. Fans keh rahe hain: “Asli success community ki madad hai.” MashaAllah!
CM Punjab Maryam Nawaz Ne Ration Card 2025 Launch Kardiya
CM Punjab Maryam Nawaz ne Ration Card 2025 launch kar diya! Scheme ke zariye 1.5 million se zyada low-income families ko aata, cheeni, chawal, daal aur tel sasti qeematon par milega. Eligible families ko Rs3,000 monthly ya Rs10,000 quarterly milayenge. Registration PSER portal ya E-Khidmat Markaz se hogi. Sirf CNIC dikhana hoga subsidy hasil karne ke liye.
Yamaha Ne Pakistan Mein Motorcycle Manufacturing Band Kardi
Yamaha ne Pakistan mein motorcycle manufacturing officially band kar di hai! Company ne kaha yeh decision business policy change ki wajah se hai. Lekin customers tension na lein, spare parts YMPK dealers se milte rahenge aur warranty services bhi jari rahengi. Yamaha ne users ka shukriya ada kiya aur support ka wada dobara kiya.
Canada, Ontario Jaane Walon Ke Liye Khushkhabri
Ontario mein workers ke liye badi khabar! 1 October 2025 se minimum wage barhakar $17.60 per hour kar di gaya. Abhi $17.20 chal raha hai, yani 40 cents ka izafa. Full-time kaam karne walon ko mahina ka $64 extra milega. Hukoomat ka kehna hai ke ye step mehangai ko dekhte hue low income workers ke liye asaaniyan laayega.
Duniya Ka Aathwa Bar E Azam Zealandia Officially Discover Hogaya
Scientists ne announce kar diya ke duniya ka 8wa bar-e-azeem “Zealandia” discover ho gaya! Ye New Zealand aur New Caledonia ke darmiyan hai aur 4.9 million sq km area cover karta hai. 11 scientists ki research ke mutabiq Zealandia ki geo features Australia se bilkul alag hain. Abhi officially accept hona baqi hai, lekin experts ise bara breakthrough keh rahe hain.
Karachi Mein Barsaat Jari, Surjani Town Mein Sab Se Zyada Barish Record Hui
Karachi mein monsoon barsaat jari, sabse zyada 129.6mm Surjani Town mein record hui. North Karachi 72mm, Korangi 70mm, Defence 70mm aur kai areas mein light to moderate rain hui. Met Office ke mutabiq silsila agle 2 din tak jari rahega. Malir aur Lyari streams mein pani barh gaya, low-lying areas mein flood water gharo tak ghus gaya.
Israel, Qatar Mein Hamas Leaders Ko Target
Israel ne Qatar mein Hamas leaders ko target karte hua airstrike ki, jisme Khalil al-Hayya ka beta aur paanch log halak, magar top leadership bach gai. Qatar ne strike ko “cowardly” aur sovereignty ki violation kaha. US ne location par afsos jataya, Europe ne condemn kiya. PM Shehbaz Sharif ne bhi Israel ki aggression ki mazammat ki.
SC Additional Registrar Khakwani Resigns, Office Politics Exposed Hogyi
Supreme Court ka additional registrar (judicial) Waseemur Rehman Khakwani sirf 5 maheene baad duty se relieve ho gaya. Sources keh rahe hain ke wo office politics ka shikaar bana aur CJP Yahya Afridi se request ki. Is seat par case fixation hota hai. Nazar Abbas ka continuation lobby ho raha hai. SC PRO ne kaha Khakwani ne personal reasons diye.
Pakistan Auto Industry Par IMF Ke 57 Safety Rules Apply Hongy
October se Pakistan ki auto industry par IMF ke pressure pe 57 safety rules lagu honge, abhi sirf 17 apply ho rahe hain. Govt ne Pakistan Automotive Institute banane ka plan banaya hai. Import policy tough: Type D cars ban, fake chassis/engine wali entry band. Motor Vehicle Industry Act 2025 ke tehat unverified gaadiyon ki sale bhi banned hogi.
Karachi Mein Garment Factory Mein Aag, Imarat Gir Gay, 5 Zakhmi
Karachi ke New Karachi Industrial Area mein 3-storey garment factory mein subah 6 baje aag lag gayi jo puri imarat mein phail kar gir gayi. 10 fire tenders aur snorkel ne blaze bujhaya. Koi andar phansa nahi, lekin 5 log, rescue workers aur cameraman samait, zakhmi hua. Sab ko Abbasi Shaheed Hospital shift kiya gaya, condition stable hai.