Aima Baig Se Alag Hone Ki Afwaahon Par Zain Ahmed Ne Khamoshi Tod Di!
Aima Baig se alag hone ki afwaahon par designer or Aiman ky husband Zain Ahmed ne aakhirkar khamoshi tod di! Unhone kaha ke ye sab Instagram ke glitch ki wajah se hua. Zain ne bataya ke unka account bug kar raha tha, jis se posts archive ho gayin. Ab sab normal hai, aur dono ne eik dosre ko wapas follow kar liya!
Shahid Kapoor Ka Khandan Pakistan Ke Kis Shehar Se Talluq Rakhta Hai?
Bollywood actor and superstar Shahid Kapoor ke walid Pankaj Kapoor ne bataya ke unka aabaai talluq Pakistan ke shehar Hafizabad se hai! Eik podcast mein unhone kaha ke unke dada sarkari naukri mein tha aur Kapoor khandan taqseem se pehle Hafizabad mein eik joint family ke tor par rehta tha.
Raghav Juyal Ka Kehna Hai Logon Ko Nepotism Par Complain Karne Ke Bajaye Mehnat Karni Chahiye
Actor Raghav Juyal ne nepotism par debate mein kaha: “Log complain karne ke bajaye mehnat karein aur apne nepo kids khud banayein!” Unhone podcast mein kaha ke har field mein yeh hota hai, sirf Bollywood nahi. Reddit par logon ne unki baat ko criticize kiya, kuch ne kaha “At least Kangana spineless nahi hai!”
Rekha Salman Khan Ki Madad Karti Thi Jab Wo Lines Bhool Jaate
Biwi Ho Toh Aisi ke director JK Bihari ne yaad kiya ke young Salman Khan set par hamesha punctual rehte the! Unhone bataya ke Rekha unhe lines yaad karwane mein madad karti thi jab wo fumble karte. Bihari ne kaha, “Salman serious the, bas experience kam tha, Rekha unki mentor jaisi thi.”
Zain Ahmed Ne Aima Baig Ko ‘Unfollow’ Kar Diya, Afwahein Zair-e-Gardish
Aima Baig aur unke shohar Zain Ahmed ke darmiyan alag hone ki afwahen garam! Fans ne notice kiya ke Zain ne Aima ko Instagram par unfollow kar diya aur shaadi ki pics bhi hata di. Aima ne eik emotional Insta story share ki “Tum ahmiyat rakhte ho…” Magar Aima abhi bhi Zain ko follow karti hain!
Senior Adakaron Ka Rawayya Junior Adakaron Ke Saath Kaisa Hai?
Actor Faizan Sheikh ne khulasa kiya ke Pakistani showbiz ke senior stars jaise Fahad Mustafa, Faisal Qureshi aur Aijaz Aslam bohat humble hain! Unhone podcast mein bataya ke seniors juniors ke messages ka jawab dete hain aur un tak pohanchna asaan hai. Faizan ne kaha ke naye actors ke liye ye sab bohat madadgar hai.
Kiya Ed Sheeran Taylor Swift Ki Shaadi Mein Perform Kar Rahe Hain?
Taylor Swift ne hint diya hai ke unke dost Ed Sheeran unki shaadi mein perform kar sakte hain! Taylor ne August mein NFL star Travis Kelce se mangni ki thi aur eik UK radio show mein bataya ke Ed ko shaadiyon mein gaane ke liye aksar kaha jata hai. Taylor hans kar boli: “Usse rokna mushkil hoga!”
Urvashi Rautela Par Priyanka Chopra Ki Social Media Posts Naqal Karne Ka Ilzaam
Urvashi Rautela par fans ne Priyanka Chopra ki social media posts copy karne ka ilzaam laga diya! Logon ne notice kiya ke Urvashi ne Priyanka jaisi hi Instagram posts share ki. Jab poocha gaya to Urvashi ne kaha: “Mujhe nahi pata aap kia baat kar rahe hain.” Unhone kaha Priyanka unki favourite icon hain aur wo unhe follow karti hain.
Indian khilariyon Aur Funkaaroon Par Siyasi Dabao Bohat Hai, Faisal Qureshi
Faisal Qureshi ka kehna hai ke indian khilari aur funkaar siyasi dabao mein hain! Unhone eik podcast mein kaha ke ye unki ghalti nahi, balkay Bharat ki siyasat aisi hai jahan funkaar aur players par pressure hota hai. Faisal ne Asia Cup handshake controversy par bhi kaha ke Indian fans bhi iss sab se mayoos hain
Wazir-e-Azam Banna Imran Khan Ki Sabse Bari Ghalti Thi: Iffat Omar
Actress aur host Iffat Omar ne kaha ke Imran Khan ka wazir-e-azam banna unki sabse badi ghalti thi! Unhone eik podcast mein kaha ke unke daur-e-hukoomat mein sirf ilzaam aur afra-tafri rahi. Iffat Omar ke mutabiq Khan sahab pehle sab ke dilon ke hero the, lekin siyasat mein aake unka sukoon khatam ho gaya.