Rajanpur Mein Flood, India Ne Indus Mein Pani Chhor Diya
India ne Indus River mein pani chhor diya jiske baad Rajanpur ke Rojhan aur aas paas ke ilaqa doob gaye. Hazaron acre faslein tabah, ghar aur schools pani mein ghire, log rescue aur private boats se nikal rahe hain. Punjab Police ne evacuation ka hukum diya, relief camps lag gaye. Pani ka flow ab Sindh ki taraf barh raha hai.
Russia Ke Far East Mein 7.4 Magnitude Ka Zalzala
Russia ke Far East Kamchatka coast par 7.4 magnitude ka zalzala record hua. USGS ke mutabiq zalzala 111 km Petropavlovsk se door aur 39.5 km gehrai mein aaya. Pehle tsunami alert diya gaya tha ke 1 meter tak ke waves ho sakti hain, lekin baad mein warning lift kar di gayi. July mein yahan 8.8 magnitude ka zalzala bhi aaya tha.
Karachi Ko Rozana Demand Puri Karne Ke Liye 15,000 Buses Chahiye, Murad Ali Shah
CM Sindh Murad Ali Shah ka kehna hai ke Karachi ko rozana demand puri karne ke liye 15,000 buses chahiye. World Bank ke sath mil kar Karachi Transport Master Plan launch, jisme BRT, metro rail, Circular Railway aur electric buses shamil. Yellow Line BRT Dec 2025 tak ready hogi, roz 3 lakh passengers travel karenge.
Ishaq Dar Ki IT Aur Telecom Reforms Par High-Level Meeting
Islamabad mein Deputy PM Ishaq Dar ne high-level meeting chair ki jisme IT aur Telecom reforms discuss hua. Finance Minister Aurangzeb, Tariq Bajwa aur key secretaries shamil. Focus: digital infrastructure, connectivity, foreign investment aur export boost karna. Dar ne kaha Pakistan ki digital potential unlock karna zaroori hai. Strong policies aur e-governance solutions par bhi zor diya gaya.
PM Shehbaz Nay IMF Relief Manga, Punjab Nay Army Surveys Ki Demand Ki
PM Shehbaz ne Finance Ministry ko IMF se guzarish karne ka hukum diya ke flood affectees ko 1 mah electricity bill exemption mile. Punjab govt ne 25 flood-hit districts mein survey ke liye 1,710 Army personnel mang liye. Floods se 97 afraad jaan bahaq, 4,500 se zyada gaon doob Gaye, 4.5 million log mutasir, relief camps qaim.
Karachi Mein 5-12 Saal Ki Larkiyon Kay Sath Sexual Abuse Karne Wala Shakhs Arrest
Qayyumabad mein juice vendor Shabbir Ahmed arrest, 100 se zyada choti larkiyon (5–12 saal) ka sexual abuse confess. Police ko diary, 300+ videos milein mobile aur USB se. Eik victim ne USB chhupke shopkeeper ko di, jis se pakra gaya. Ab 5 din ke remand par hai. Case ne shehar ko hila diya, social media outrage barh gaya.
Pakistan Ne IMF Se Naye Tax Ki Ijazat Mang Li
Hukoomat-e-Pakistan ne IMF se mini-budget ke zariye naye municipal tax ki ijazat mang li, jo Jinnah Medical Complex Islamabad (Rs213 billion project, 3 saal mein complete) ke liye fund hoga. Govt ne Rs3.5 billion allocate kar liya, Rs30 billion emergency funds aur Panda bonds returns ka option bhi under review hai. IMF team 25 Sept–8 Oct Pakistan aye gi economic review ke liye.
Samiya Hijab Ne Hassan Zahid Ke Khilaaf Case Wapas Le Liya
TikToker Samiya Hijab ne Hassan Zahid ke khilaaf case officially wapas le liya aur Allah ke liye maaf kar diya. Samiya ka kehna hai Hassan ne apne jhoote ilzaam wapas le liye aur wada kiya ke dobara tang ya nuksaan nahi karega. Uske walid aur cousin ne ghar aa kar maafi maangi, jis par Samiya ne maafi ko behtareen rasta chuna.
Indian Actor Chalti Train Se Kood Gayi
Indian actress Karishma Sharma chalti train se gir gayi or serious injury ho gayi. Pyaar Ka Punchnama 2 aur Ek Villain Returns ki star ne bataya ke woh shoot ke liye train le rahi thi, doston ko miss karta dekh jump kiya aur sar pe chot lag gayi. Ab hospital mein admitted hai, MRI aur observation chal rahi hai. Duaon ki darkhwast.
SC Ne Judge Ke Beta Ke Qatal Case Mein Death Convicts Ko Bari Kar Diya
Supreme Court ne Sindh High Court judge Justice Khalid Shahani ke beta Hunain Tariq ke 2014 qatal case mein death row convicts Sikandar Lashari aur Irfan alias Faheem ko bari kar diya. Justice Athar Minallah ke short order mein trial aur High Court ke faislay set aside hua. SC ne flawed investigation aur weak prosecution ko wajah qarar diya.