WHO Ne Obesity Ko Disease Maana, Weight-Loss Injections Approve
World Health Organization ne obesity ko sirf lifestyle issue nahi, balki eik chronic, progressive aur relapsing disease qarar diya hai jo duniya bhar mein 1 billion se zyada logon ko affect karti hai. WHO ne pehli dafa weight-loss injections (GLP-1 drugs) ko recommend kiya hai un patients ke liye jinka BMI 30+ hai, counselling aur lifestyle changes ke saath.
Saudi Arabia Ne Google Pay Launch Kiya, Payments Ab Digital
Saudi Arabia ne Google Pay launch kar diya hai apne national payment system Mada ke zariye! SAMA ne Riyadh mein Money 20/20 conference mein is service ka aaghaz announce kiya. Ab users mada, Visa aur Mastercard cards Google Wallet mein add karke ‘Tap to Pay’ se secure transactions kar sakte hain, jo virtual token aur dynamic security code se protected hongi.
Balochistan IED Blast, 5 Faujis Shaheed
Balochistan ke district Kech mein IED blast se Army ki gari nishana bani, jismein Captain Waqar Ahmed, Naik Ismatullah, Lance Naik Junaid Ahmed, Lance Naik Khan Muhammad aur Sepoy Muhammad Zahoor shaheed hua. ISPR ke mutabiq, jawab mein clearance operation hua jismein 5 dushman maar giraye gaye. Fauj ka kehna hai: aise hamlay hosla nahi tod sakte.
Karachi Safe City Project Ka Pehla Phase Takreeban Mukammal
Karachi Safe City Project ka pehla phase aakhri marahil mein dakhil! IG Sindh Ghulam Nabi Memon ne Police 15, Shaheen Force aur Highway Patrol ko integrate karne ka hukum diya. DG Safe City ke mutabiq ab tak 891 cameras lag chuke hain. E-challan system bhi test basis par chal raha hai, jo second phase mein tamam shahron par available hoga.
PTA Ne Satellite License Launch Kiya, Remote Areas Connected
PTA ne Fixed Satellite Services (FSS) license introduce kar diya 15 saal ke liye $500,000 fee par. Companies ko 18 months mein service shuru aur eik gateway station Pakistan mein banana hoga. Starlink aur Spacecom jese providers ko interest, remote aur deprived areas mein high speed internet possible. Data privacy rules ke tehat sara data Pakistan mein hi rahega.
Karachi Mein Dulha Shadi Kay Din Ghayab Wajah Arrange Marriage
Karachi ka dulha Jehanzeb, jo shadi ke din ghayab ho gaya tha, ab ghar wapas aa gaya! Police ke mutabiq usay kidnap nahi kiya gaya, balki usne khud ghar chorha. Jehanzeb ne confess kiya ke arranged marriage ki wajah se wo mental stress mein tha aur kuch din sarak par ghoomta raha. Case close karne ki tayyari ho rahi hai.
Pregnancy Mein Smoking Aur Vaping, Maa Aur Bachay Ky Liye Khatra
Pregnancy mein smoking aur vaping maa aur bachay dono ke liye bara khatra hai. Doctors kehte hain, stillbirth 23% zyada, birth defects 13%, aur infant death double ho sakti hai. Vaping bhi safe nahi, premature birth aur kam weight ka sabab banti hai. Experts nay warn kia hy ky abhi quit karo, apni aur agle naslon ki zindagi bachaao.
Pakistan Freelancing Crisis, Gen-AI Ne Low-Tech Jobs Khatam Ki
Gen-AI tools ne freelancing duniya hila di! Pakistan, jahan 3 million freelancers $400m earn karte hain, ab AI ki wajah se low-tech kaam khatam hota ja raha hai. Writers, designers aur VAs sab impact ho rahe hain. Experts kehte hain: sirf resist karna bekaar, freelancers ko AI seekh kar apni skills upgrade karni hongi warna survival mushkil hai.
NEPRA Ka HESCO Par Jurmana, Load Shedding Ka Hisaab
NEPRA ne Hyderabad Electric Supply Company (HESCO) par rozana Rs.0.1 million fine laga diya! Faisla 4 April 2024 se effective hai. NEPRA ka kehna hai HESCO load shedding kam karne ke bajaye feeder losses chhupa raha hai aur line losses hide kar raha hai. Regulator ne warn kiya: ab efficiency improve karo warna aur sakht action hoga.
IESCO Crackdown, 5,929 Bijli Chor Pakray, Rs503m Jurmana
IESCO ka bara operation, 5,929 bijli chor pakray gaye aur 2,950 log giraftar. Rs.503.4 million ke jurmane bhi lagaye gaye. Federal Govt directives par 2023 se shuru hui drive mein 2.8 million meters check hua. Chief Khalid Mahmood ne bijli chori ko “qaumi jurm” qarar diya aur awaam se appeal ki ke helpline 118 par report karein.