Karachi Mein 3 Bhatta Khor Giraftar, Tajir Ki Dukan Mein Lifafa Se 3 Goliya Mili
Karachi mein kapron ke tajir ko dhamki dene wale 3 bhatta khor dhoraji se giraftar karliye gaye. SSP Amjad Sheikh ke mutabiq, mulziman ne 3 crore rupay bhatta maanga tha aur tajir ke daftar lifafe mein 3 goliyan aur parchi bheji thi. Mobile, SIM aur asleha baramad, mulziman se abhi bhi tehqiqaat jari.
Pakistani Citizens Ka Data Dark Web Par Rs500 Mein Bik Raha Hai PTA Chairman Ka Bayan
PTA Chairman Maj Gen (R) Hafeez-ur-Rehman ne Senate committee ko bataya ke Pakistani citizens ka sensitive data, CNIC copies, travel history aur SIM details dark web par sirf Rs500 mein bik raha hai. Hajj applicants ka data bhi compromised. NCCIA investigation shuru, leak purana hai ya naya, abhi analysis jari hai.
K-Electric Ka Saddar Crackdown, 1,300 Illegal Connections Khatam
K-Electric ka Saddar mein bara crackdown haa jiske natije mein, 1,300 illegal connections khatam, 1,700 kg taar baramad. Company spokesperson ke mutabiq, 1.45 million units chori se bach gaye. Saddar ke 88% feeders load-shedding se free, magar Bizarat Lines, Hijrat Colony aur Sultanabad jaise areas abhi bhi masail ka shikar. Outstanding dues Rs 1.1 billion se zyada.
Karachi Baldia Town Mein Trailer Ne Motorcycles Kuchal Di
Baldia Town Karachi mein 22-wheeler trailer ne motorcycles kuchal di, 4 afraad zakhmi. Rescue teams ne injured ko hospital pohanchaya aur traffic police ne road clear karne ka kaam shuru kiya. Teen bikes ab bhi trailer ke neeche phansi rahin. Authorities ne tehqiqaat shuru kar di, traffic flow shadeed mutasir.
Zaid Ali Ki Walida Ki Ayesha Omar Par Tanqeed
Zaid Ali ki walida Naheed Noor ne upcoming dating show Lazawal Ishq aur host Ayesha Omar par sakht tanqeed ki. Unka kehna hai ke show young generation mein vulgarity promote karega aur Ayesha Omar ko yeh project accept nahi karna chahiye tha. Social media users bhi Naheed Noor se agree karte nazar aaye: “Perfect words”, “We won’t let this program run.”
Tajikistan Ne Pakistanis Ke Liye Visa On Arrival Plan Kardia
Pakistan aur Tajikistan ke darmiyan moahidon mein visa on arrival aur e-visa ki sahulat par guftagu, jaldi Pakistani citizens ko yeh facility milne ke imkaanat. PM Coordinator Tourism Sardar Yasir Ilyas ne Tajik ministers se mulaqaat mein trade, AI partnership aur air links barhane par bhi baat ki. Dono mulk sustainable partnership aur barhawa commerce ke liye muttahid.
Karachi Mayor Ne Green Aur Red Line Delays Par Warning Dedi
Mayor Barrister Murtaza Wahab ne Green Line aur Red Line projects ke taweel delays par shadeed izhar-e-tashweesh kiya. Unhon ne PIDCL se kaha ke clear completion timeline di jaye warna yeh projects 2035 tak bhi mukammal nahi honge. Mayor ne kaha ke University Road aur city ke mukhtalif ilaqon mein kaam ki wajah se awaam shadeed pareshani ka shikar hain.
Dua Malik Ne Feroze Khan Ki Ex Wife Alizey Ke Abuse Kay Ilzaam Rad Kardie
Podcast mein Dua Malik ne bhai Feroze Khan ke haq mein bayan diya, keh rahi hain ke ex-wife Syeda Alizey ke domestic abuse allegations bilkul jhoote hain. Dua ne clear kaha: “Main gawahi deti hun ke aisa kuch bhi kabhi nahi hua.” Yeh case phir se spotlight mein aa gaya hai, fans aur media dono react kar rahe hain.
Imran Khan Ka Chief Justice Ko Khat, Mere Liye Insaaf Ke Darwaze Band Hein
Adiala Jail se PTI founder Imran Khan ne CJP Yahya Afridi ko likha ke unke liye insaaf ke darwaze band hain. Kehte hain wo 772 din se 9×11 cage mein hain aur 300 se zyada political cases ban chuke. Khan ne shikayat ki ke wife Bushra Bibi ki health bigar rahi hai magar doctors ka access nahi mil raha.
MDCAT 2025, Students Ke Liye Zaroori Khabar
PMDC ne announce kar diya ke MDCAT 2025 ab sirf apne domicile province mein hi hoga. Punjab, KP, Sindh, Balochistan, AJK aur GB ke students ko apne provinces ya Islamabad center mein test dena hoga. Special seats AJK & GB ke liye. Floods ki wajah se exam 26 October 2025 ko hoga, pehle 5 October tha.