Lahore Airport Par 1.6 Kg Ice Baramad, Smuggling Nakaam
Allama Iqbal Airport par ASF ne Bahrain janay wale musafir ke bag se 1.6 kg Ice nikal li. Screening ke doran pink trolley bag mashkook laga to talashi li gayi, jisme drugs chhupai gayi thi. ASF ne mulzim ko giraftar kar ke case ANF ke hawale kar diya. Smuggling ki koshish nakaam bana di gayi.
Hania Aamir Ne Shahrukh Khan Aur Shakib Khan Mein Se Apna Favourite Chun Liya
Bangladesh mein Sunsilk event ke doran Hania Aamir se poocha gaya kisko zyada pasand karte hain, Shahrukh ya Shakib? Actress ne kaha, “Aap log Shakib Khan ko zyada pasand karte ho.” Bangladeshi fans ne jawab ko saraha, lekin Indian fans ne social media par naraazgi dikhayi. Hania abhi Bangladesh mein fans se meet & greet sessions kar rahi hain.
Khabardar! Bukhar Aur Jism Dard Ki Kuch Dawai Bilkul Isteemal Na Karein
Panjab Drug Control Directorate ne bukhar, jism dard, anxiety aur amraaz-e-niswan ki kuch ghair maiyari dawai pakdi. DRAP ne rapid alert jari kar diya. Bukhar ke liye ParaCare syrup (PE 042), amraaz-e-niswan ki Efaston tablet (41160), aur anxiety ka Dizelivo 2ml injection (DZ44) ghair maiyari hain. Market mein dastiyab aisi dawai report karein.
Saima Noor Ka Khushi Ka Izhar Unke Step-Son Ne Unhein Maa Maan Liya
Film star Saima ke step-son Shazil ne interview mein kaha ke maa ke inteqal ke baad unki zindagi mein eik khaali pan tha. Baad mein Saima Noor ne unse rabta kiya, khayal rakha aur unki baaton ko samjha. Dheere dheere dono ka rishta mazboot hua aur Shazil ne unhein “Amma” kehna shuru kar diya. Fans is khoobsurat bond ko sarah rahe hain.
UNICEF Ki Report, Pakistan Mein 19 Million Se Zyada Child Brides Ki Shadi Karwai Gayi Hai
Reports ke mutabiq, UNICEF ne National Civil Society Dialogue mein kaha ke Pakistan mein har 6 mein se 1 larki 18 saal se pehle shaadi kar leti hai, yani 19 million se zyada child brides. Experts ne is par ghurbat, early pregnancies, domestic violence aur taleem ke nuqsan ke hawale se urgent reforms ki demand ki hai.
Mira Sethi Ne Apni Divorce Confirm Kar Di
Pakistani actress aur writer Mira Sethi ne interview mein confirm kiya ke unka divorce March 2023 mein ho chuka tha. Actress ne bataya ke Kuch Ankahi ke doran yeh mushkil waqt guzara, lekin acting ne unhe sambhala. Mira 2019 mein Bilal Siddiqui se California mein shaadi ke bandhan mein bandhi thi. Fans unki himmat aur honesty ko sarah rahe hain.
IHC Mein Ex-PIA Chairman Musharraf Rasool Ke Khilaaf Abduction Petition Ki Hearing
Islamabad High Court mein petition file hui ke former PIA chairman Musharraf Rasool aur Islamabad police ke allegedly mil kar kai afraad ko zabardasti rakha aur Rs 500 million ransom maanga. Rs15 million cash, 10 tolas gold aur 5 gaadiyon ka qabza bhi ilzaam mein hai. Court se abductees ki recovery aur criminal case registration ki darkhwast ki gayi hai.
Sindh Ne Workers Welfare Card Launch Kiya Insurance Ke Saath
Sindh govt ne Workers Welfare Card launch kar diya! Is initiative ke zariye workers ko Rs. 7 lakh tak health insurance, 10,000 e-motorcycles, aur sewing machines milengi. Card ke through marriage aur death grants bhi easily accessible hongi. Sindh pehla province hai jo aisa accident insurance workers ko nationwide 270+ hospitals mein provide karega.
Hong Kong Jaane Wale 5 Musafir Offload, Case Anti-Human Trafficking Circle Kay Hawale
FIA ne 5 musafir offload kar diye jo Thailand visit visa par Hong Kong jaane ki koshish kar rahe the. Bushra aur asli beta Amjad ke sath 3 musafiron ko jhoote bachay bana kar le jaya ja raha tha. Har eik ne agent ko 1.5 crore rupay diye. Airport Authority ka ahal kar bhi involve mila. Case Anti-Human Trafficking Circle ko de diya gaya.
Karachi Mein Shohar Ke Rawayye Ki Wajah Se Doctor Mishal Nala Mein Koodne Ke Baad Ab Tak Laapata
14 September ko Gulshan-e-Iqbal ke barsati naale mein chalang laga kar laapata hone wali 26 saal ki Dr. Mishal Kareem ka abhi tak koi suraag nahi mil saka. Police ne husband Hasnain ko arrest kar liya hai, father ki report par case darj. Walid ka ilzaam, Hasnain ke affair aur tashadud ki wajah se beti ne ye qadam uthaya. Rescue operation jari hai.