Hyderabad Me Naya Polio Case, Pakistan Tally 27 Tak Pohanch Gayi
Hyderabad me naya polio case confirm, iss saal Pakistan ka total 27 cases ho gaya. Sirf Sindh me 7 cases report ho chuke. NEOC ne parents se appeal ki ke har campaign me bachon ko polio drops zaroor pilayen. Agla nationwide vaccination drive 13–19 October tak hoga jisme 4 lakh se zyada workers door-to-door drops pilayenge.
Gold Ne Naya Record Banaya, Prices $3,728 Per Ounce Tak Pohanch Gayi
Gold ne naya record high touch kar liya! Spot gold $3,728 per ounce tak pohanch gaya, jabke U.S. futures $3,752.60 par trade kar rahe hain. Is surge ki wajah Fed rate cuts, geopolitical tensions aur safe-haven demand hain. Silver bhi 14 saal baad $43.44 per ounce tak barh gaya. Investors Fed speeches aur inflation data ka intezar kar rahe hain.
Aadmi Giraftar, Apne Walid Aur Biwi Ko Qatal Kia Or Beti Ko Zahkmi
Dijkot ke ilaqa Chak No. 50-JB ka Sajjad Ahmad giraftar, walid Ghulam Fareed aur biwi Shazia ko goli maar kar qatal karne ka ilzaam. Beti ko bhi zakhmi kar ke farar ho gaya tha. Police ne raids ke baad mulzim ko pakad liya. Rasheedabad aur Mehndi Mohalla mein alag incidents mein do afraad ne gharelo jhagre par khudkushi ki koshish ki.
Petition Ne Prisoners Ki Taleem Par Ban Ko Challenge Kar Diya
PHC mein petition file, hukoomat KP ke faislay ko challenge karte hua ke narcotics cases ke qaidiyon ko taleem se roka gaya. Petition Advocate Fawad Afzal Safi ne qaid Aizaz Wali ki taraf se daakhil ki. IG Prisons ne 29 August ko SOPs jari kar ke taleem aur exams ban kiye. Petitioner ne ise illegal aur unconstitutional qarar dene ki darkhwast ki.
Child Marriage Cases Mein Conviction Rate Bohot Low, Sirf 30 Convictions
Hyderabad: Civil society ne Sindh govt se Child Marriage Restraint Act ki sakht implementation ka mutalba kiya. Hari Welfare Association ke mutabiq 2018–2024 tak 272 FIRs register hui, magar sirf 30 convictions, Hyderabad mein 23, Karachi aur Sukkur mein zero. Experts ne kaha underage shadiyan ab bhi aam hain, asal numbers aur zyada ho sakte hain.
Cervical Cancer Vaccine Program Mein Hukoomat Ne Siyasi Aur Mazhabi Jamaaton Ko Trust Mein Lene Ka Faisla
Islamabad: Pakistan govt ne nationwide cervical cancer vaccination campaign ke liye siyasi aur mazhabi rehnumaon ko confidence mein lene ka plan banaya. Health Ministry unse jaldi rabta karegi taa ke HPV vaccine ki ahmiyat samjhayi ja sake. Scholars aur leaders se support aur awareness videos mangi jayengi. 15 September ko launch hui campaign 27 September tak Punjab, Sindh, Islamabad aur AJK mein chalegi.
Salman Khan Ladakh Shoot Ke Doran Zakhmi
Salman Khan apni upcoming action drama Battle of Galwan ki shooting ke doran Ladakh mein zakhmi ho gaye. Indian media ke mutabiq, 45 din ke schedule ke baad actor ne extreme sardi aur low oxygen mein scenes shoot kiye aur injuries face ki. Ab Salman chhoti break ke baad Mumbai mein doosra schedule start karenge. Film Apoorva Lakhia direct kar rahe hain.
CTD Punjab Ka Bara Action, 3 Mah Mein 940 Operations, 89 Terrorists Giraftar
Lahore: CTD Punjab ne 3 mah mein 940 intelligence-based operations kiye aur 89 terrorists ko pakra, spokesperson ke mutabiq Lahore aur Rawalpindi se 14-14, Faisalabad aur Bahawalpur se 7-7, jabke Jhang, Sargodha, Sahiwal, Gujranwala aur Gujrat se bhi giraftariyan hui. Explosives, detonators aur pamphlets baramad. Saath hi 13,521 combing operations mein 1,131 suspects ko questioning ke liye detain kiya gaya.
FBR Ka Crackdown: 57,000 Jewellers Ka Data TayYar, Tax Evaders Nishane Par
FBR ne mulk bhar ke 57,000 jewellers ka data compile kiya. Sirf 20,000 registered hain aur 10,000 ne tax returns file kiye. Punjab ke 800 jewellers ki pehli list ban gayi, jisme Lahore, Rawalpindi, Faisalabad aur Multan shamil. Bohat se jewellers crores ki sales ke bawajood minimal tax dete hain. FBR ne notices issue kar diye, aur sab sectors ko tax net mein lane ka plan.
Kasur Mein Shadi Se Pehle Larki Agwa, Shak Ex-Fiancé Py
Kasur ke ilaqA Allahabad mein 10 afraad motorbikes par ghar mein ghus aaye aur Eik larki ko zabardasti agwa kar liya. Ahle ilaqa ke rokne par 3 mulzim pakray gaye, police ke hawale kar diye gaye. Larki ke walid ka ilzaAm hai ke beti ke ex-fiancé Muneeb aur khala zad bhai ne mil kar ye agwa kiya, jabke 28 tareekh ko larki ki shadi thi