Diljit Dosanjh Ne India Ki Munafiqat Be-Naqaab Kar Di
Diljit Dosanjh ne apne concert mein Indian media ki hypocrisy par expose kar diya. Diljit ka kehna tha: “Meri film Sardaar Ji 3 conflict se pehle shoot hui thi, phir bhi mujhe blame kiya gaya. Aaj India–Pakistan matches ho rahe hain, koi objection nahi! Hum Punjabis kabhi apne mulk ke khilaaf nahi ja sakte, lekin jo na-insafi hui main bhool nahi sakta.”
Nicolas Sarkozy: Former French President Ko 5 Saal Ki Saza
Former French President Nicolas Sarkozy ko Paris court ne 5 saal jail ki saza suna di. Yeh ruling unko criminal conspiracy ka guilty qarar dene ke baad aayi, Libya se 2007 election funding deal ke ilzaam par. Sarkozy ne kaha: “Agar jail jana hai to sar buland karke jaunga.” History mein pehli dafa kisi French ex-president ko aisi saza hui.
Bilawal Bhutto Zardari Ne Free Pink Electric Scooters Distribute Kiye
Karachi mein PPP Chairman Bilawal Bhutto Zardari ne working women ko free pink electric scooters distribute kiye. Ceremony mein CM Murad Ali Shah aur ministers bhi shamil hua. Bilawal ne kaha PPP ka focus women ki madad par hai. Scooties transparent balloting se milengi. Apply karne ke liye Sindh Mass Transit Authority ki website par form fill karna hoga.
Ducky Bhai Ne Custody Mein 9 Million Subscribers Cross Kar Liye!
YouTube kay star Ducky Bhai ne history racha di! Custody ke doran bhi unka fan power chhupa nahi, channel ne cross kiya 9 MILLION subscribers! Yeh milestone sabit karta hai ke unka bond with audience bilkul unbreakable hai. Fans keh rahe hain: “Ducky Bhai sirf creator nahi, eok phenomenon hai!”
Amazon Prime Subscribers Ko $2.5 Billion Ada Karega
Amazon ne FTC case settle karne ke liye $2.5 billion dene ka elan kar diya. Is mein se $1.5 billion fund banega jo unwanted Prime subscribers ko wapas milega. Around 35 million consumers ko faida hoga aur har valid claim par $51 tak mil sakte hain. Amazon ne Prime cancel aur decline button easy banane ka bhi wada kiya.
Starbucks Ke Stores Band Aur Layoffs Ka Elan Kiya
Starbucks ne apna business rescue karne ke liye bade scale par action liya, iss mahine hundreds of stores band ho rahe hain aur 900 corporate layoffs ka elan bhi hogaya. February ke 1,000 layoffs ke baad yeh doosra round hai. CEO Brian Niccol ke mutabiq, yeh steps zaroori hain taake Starbucks ko phir se mazboot aur profitable banaya ja sake.
Salman Khan Kis Adakara Ke Chone Par Sangeen Bimari Ka Shikar Hua?
Bollywood ke Dabangg star Salman Khan ne khulasa kiya ke 2007 mein film Partner ke set par actress Lara Dutta ke touch par pehli martaba unko woh shadeed dard mehsoos hua jo baad mein Trigeminal Neuralgia nikla. Yeh dard 7 saal tak raha, jo har 4-5 minute baad attack karta tha. Salman ne kaha: “Aisa dard dushman ko bhi na ho.”
Maimoona Qudoos Nay Kaha Lahore Showbiz Karachi Se Zyada “Ganda” Hai
Pakistani actress Maimoona Qudoos ne eik podcast mein shobiz industry ke bare mein hairat angez inkishaaf kiye. Unka kehna hai ke Karachi ki nisbat Lahore ki showbiz industry mein zyada “gaand or behoodgi” hai. Karachi walay ziada professional aur deal-based approach rakhte hain, jabke Lahore mein negative trends zyada hain.
Sehar Hayat Ne Sami Rasheed Se Separation Confirm Kardi
Pakistani digital creator aur actress Sehar Hayat ne Instagram Q&A session mein confirm kar diya ke unki TikToker husband Sami Rasheed se separation ho chuki hai. Sehar ne kaha ke woh ab saath nahi hain, magar Sami hamesha unki beti Aira ke walid rahenge. Fans ke sawalon par unhone single mother ban’ne ki baat bhi accept ki.
Sanam Javaid Ki Behan Falak Recovery Case IHC Mein
PTI activist Sanam Javaid ki behan Falak Javaid ki recovery ke liye unke walid ne Islamabad High Court mein petition file kar di. Advocate Mian Ali Ashfaq ne court se appeal ki hai ke Falak ko pesh kiya jaye aur uske khilaaf agar koi case ya inquiry hai to details share ki jayein.