Chaku Hamle Ke Baad Poori Zindagi Aankhon Ke Samne Guzar Gayi Thi, Saif Ali Khan
Saif Ali Khan ne bataya ke Mumbai ghar par 16 Jan 2025 ke chaku hamle mein unki puri zindagi aankhon ke saamne guzar gayi. Saif ne khali haathon se hamla awar ka samna karte hue bachon Taimur aur Jeh ko bachaaya. Unki spine ke paas gehra zakhm aaya jiske baad unki Leelavati Hospital mein surgery hui. Saif ne is bachne ko “mojza” qarar diya.
7 Baras Tak Suicidal Disease Mein Mubtala Raha: Salman Khan Ka Inkishaaf
Salman Khan ne khulasa kiya ke wo 7.5 saal tak Trigeminal Neuralgia mein mubtala rahe, jo itni painful thi ke ise “suicidal disease” kaha jata hai. Actor kehte hain dard har 4-5 minute baad aata tha aur dawa ka bhi asar nahi hota tha. Unhone Gamma Knife surgery karwai jiske baad dard bilkul khatam hogaya.
Fatima Sana Shaikh Ne Bari Film Chor Di Sab Wajah Janne Ky Muntazir Hogaye
Bollywood actress Fatima Sana Shaikh ne eik bade studio ki film se exit le liya hai! Reports ke mutabiq yeh project Madhur Bhandarkar direct kar rahe the aur Zee Studios ke banner tale ban raha tha. Film ka naam aur exit ki wajah abhi clear nahi, lekin sources keh rahe hain project cancel ho chuka hai.
Shohar Ke Tashaddud Se Pareshan Khatoon Ne Bhai Ke Ghar kay Pass Ja Kar khud ko Aag Lagadi
New Karachi mein shohar ke tashaddud se pareshan 50 saal ki Firdous ne bhai ke ghar ke paas park mein aag laga li. 90% jhulsne ke baad hospital mein dauran-e-ilaj inteqal kar gayin. Police ke mutabiq unke shohar se 2 din pehle larai hui thi. Marhooma ki koi aulad nahi thi, tehqiqaat jari.
RAW Operative Ko Karachi ATC Ne 114 Saal Ki Saza Sunai
Karachi ATC ne RAW operative Saleem ko 114 saal ki saza suna di. Court ne Rs150,000 ka fine bhi lagaya aur bail cancel kar di. SIU ne Saleem ko Mauripur se giraftar kiya jahan se grenades, bombs aur illegal weapons baramad hua. Saleem ne confess kiya ke woh RAW ke liye kaam karta raha aur 2012–14 mein teen martaba India bhi gaya.
Din Dahade Mulziman 1 Million Dollar Ke Zevarat Loot Kar Farar
California ke shehar San Ramon mein din dahade bara daka! 20 naqabposh afraad ne jewelry shop par hamla kar ke $1 million ke zevarat loot liye aur gaadiyon mein farar ho gaye. CCTV footage ne sab record kar liya. Police ne kuch suspects giraftar kar liye. Do hafte pehle San Jose mein bhi aisi hi heyrat angez wardat hui thi.
Fiza Ali Ka Bayan Fahad Mustafa Ki Doosri Shaadi Par
Social media par buzz hai ke Fahad Mustafa ne producer Hina Aman se dusri shaadi kar li hai! Abhi tak Fahad, unki family ya Hina ki taraf se koi reaction nahi aya. Lekin Fiza Ali ne apne show mein kaha: “Fahad great banda hai, log uski personal life mein kyun ghus rahe hain? Shaadi ki ya nahi, uska masla hai, tumhara nahi!”
Rajab Butt Ne Laga Di Accusing Women Ki Class
YouTuber Rajab Butt ne UK se pehle interview mein kaha ke un par lagay sab affairs ke ilzaam jhoote hain. TikToker Fatimah Khan ne claim kiya tha ke Rajab ne usse shaadi ka wada, vacations aur 45 lakh ki watch gift ki. Rajab ne media par gussa karte hue kaha: “Proof kahan hai? Media sirf views ke liye controversies banata hai!”
Anoushay Abbasi Ne Divorce Ka Elan Kar Diya
Anoushay Abbasi ne khulasa kiya ke unki divorce 2019 mein ho chuki thi lekin us waqt unki walida ki tabiyat bohot kharab thi is liye unhon ne media se baat chupai. Unho ny eik show mein Ushna Shah se guftagu karte hue Anoushay ne kaha ke woh nahi chahti thin log unki walida se divorce ke sawal karein.
Chaand Ko Zang Lagne Laga, Sciencedaan Hairaan
NASA aur researchers ne confirm kiya ke Chaand par Hematite (iron oxide/zang) paya gaya, khaas taur par poles par. Zang lagne ke liye normally oxygen aur paani chahiye jo Moon par nahi. Experts ke mutabiq, Earth ka atmosphere oxygen Moon tak bhejta hai jab solar wind block hoti hai. Yeh discovery future lunar missions ke liye game-changer sabit ho sakti hai.