Kapil Sharma Ko Dhamki Aur Bhatta Maangne Wala Mulzim Giraftar
Indian comedian Kapil Sharma ko Lawrence Bishnoi ke naam se 1 crore rupay bhatta maangne aur dhamkian dene wala mulzim giraftar. Mumbai Crime Branch ne 45 saal ke Dilip Choudhary ko West Bengal se pakra. Usne 22–23 Sept ko Kapil ke PA ko calls, emails aur videos bhej kar jaan se maarne ki dhamki di. Court ne 30 Sept tak police remand diya.
Bharati Adakar Ka Shooting Kay Doran Varun Dhawan Par Bully Karne Ka Ilzaam
Film Sunny Sanskari Ki Tulsi Kumari ki promotion ke doran actor Rohit Saraf ne mazak mazak mein Varun Dhawan par “haraasan” aur “bully” karne ka ilzaam laga diya, jabke Janhvi Kapoor ko “sabse bari sazishi” kaha. Varun ne hans kar bataya ke team roz uske kamray mein nakli saanp aur bicho lagati thi. Film 2 October ko release hogi.
Fankar Hamesha Mulk Ka Hota Hai, Woh Siyasi Nahi Ho Sakta, Adnan Sami
Singer Adnan Sami ne kaha ke “Fankar hamesha apne mulk ka hota hai, woh siyasi nahi ho sakta.” Film Sardaar Ji 3 controversy ke baad unhon ne clarify kiya ke fun siyasat se alag hai aur sarhadein cross karta hai. 2016 mein Indian citizen banne wale Adnan Sami ne kaha ke fankar ko kisi political nazariye se majboor nahi kiya ja sakta.
Triptii Dimri Ne Bollywood Ke Challenges Aur Apni Jad O Jehad Bata Di
Actress Triptii Dimri ne apni Bollywood journey aur challenges share kiye. Unhon ne kaha outsiders ke liye industry mein jagah banana mushkil hai, auditions ki tension acting se zyada hoti hai. Triptii ke mutabiq eik actor ko hamesha nayaapan aur energy laani hoti hai. Animal ne unhein fame dilayi, ab woh Dhadak 2 mein nazar aayi thi.
Film ‘Black’ Ke Liye National Award Na Milne Par Walid Mayoos Tha, Rani Mukerji
Actress Rani Mukerji ne khulaasa kiya ke unke walid Ram Mukherjee film Black (2005) ke liye National Award na milne par dil-shikasta aur mayoos hua. Rani ne kaha unhon ne 25 saal ki umar mein apna sab kuch is role ko diya tha. Director Sanjay Leela Bhansali bhi award na milne par naraaz aur afsurda tha.
Umair Jaswal Ne Pehli Wedding Anniversary Par Wife Ke Liye Dil Se Likha Paighaam
Umair Jaswal ne apni pehli wedding anniversary par wife ke liye dil se note likha. Instagram par pehli dafa unki tasveer share karte hua unhon ne likha: “Tum meri duaon ka rizq, muskaan ki sukoon aur dil ki roshni ho.” Jaswal ki pehli shaadi Sana Javed se thi (2020–2023), doosri shaadi Oct 2024 mein confirm hui.
Bhai Ki Saabiqa Mangetar Ke Ayeza Khan Aur Unke Khandan Par Ilzaamat
Ayeza Khan par unke bhai ki ex-fiancée Arooba Tariq ne sangin ilzaamat laga diye. Arooba ka kehna hai ke unki mangni tootne ki asal wajah Ayeza hain jo sab ko control karti hain aur “sakht geer behan” hain. Unhon ne Ayeza ko jhooti, dhoka baz aur sussral walon ke saath badtameezi karne wali qarar diya. Social media par mix reactions samne aaye.
Sirf 1000 Rupay Milte The, Woh Bhi Wahiyat Shart Ke Sath, Saif Ali Khan Ka Inkishaaf
Bollywood actor Saif Ali Khan ka inkishaaf, career ke shuruati dinon mein unhe haftay ke sirf 1000 rupay milte the, woh bhi eik producer ki anokhi shart puri karne ke bad: har dafa paisay lene par 10 kisses gaal par dena parti thi! Rich background ke bawajood, Saif ko ghar, shadi aur bachon ki zimmedariyan ne bohot pressure mein rakha.
Wazir-e-Aala Sindh ka Karachi Ki Tamam Sarkon Ki Taameer-e-Nau Aur Murammat Ka Hukum
CM Sindh Murad Ali Shah ne Karachi ki sabhi sarkon ki murammat aur taameer-e-nau ka hukum de diya! Barishon se shehar ki sarkein kharab hone par KMC aur towns ko survey aur schemes banane ki hidayat. Murad Shah ne kaha: drainage system bhi banaya jaye taa ke barish ka paani rukay nahi aur sarkein durable rahen.
20 Se 35 Lakh Tak Qarza, Mera Ghar Mera Ashiyana
Apna ghar banane walon ke liye bari khush khabri! Govt ne “Mera Ghar Mera Ashiyana” scheme launch kardi. Ab Pakistani citizens 20–35 lakh tak qarza 20 saal ki muddat aur subsidised markup par le sakte hain. Sirf un logon ke liye jo pehli dafa ghar khareed rahe hain. Scheme mein 5 marla ghar ya 1360 sq ft flat cover hoga.