Deepika Aur Farah Khan Ki Dosti Mein Darar
Deepika Padukone aur Farah Khan ki purani dosti mein shayad daraar aa gaya! Farah ke tanzeeyana comments ke baad dono ne eik dusre ko social media par unfollow kar diya, hatta ke Ranveer Singh ko bhi. Reports ke mutabiq Deepika ke 8 ghante shifts, heavy fees aur profit share demands par films se nikalna aur Farah ke taanay is tension ki wajah bane.
Rapper Badshah Ne Doosri Rolls-Royce Khareed Li
Indian rapper Badshah ne apni doosri Rolls-Royce Cullinan Series 2 khareed li or fans ko apni qamiyabi se hairaan kardia, unki car ka price takreeban 12 crore rupey hai. Social media par usne tasveerain “Zayn wale ladke” caption ke sath share ki. Isse pehle bhi Rolls-Royce own karte hain. Recently unhone North America shows se $6 million (53 crore rupey) kamaye.
Pakistan Mein A Aur O Level Ke Talaba Ke Liye Nayi Sahulat Mutarif
Cambridge International ne Pakistan ke A & O Level students ke liye badi sahulat introduce kar di! Ab talaba apni exam answer scripts online dekh sakenge aur scrutiny ka faisla karenge wo bhi bilkul free. Country Manager Uzma Yusuf ke mutabiq, yeh step transparency ke liye hai. Pakistan mein 1.3 lakh se zyada talaba Cambridge se enrolled hain.
Alizeh Shah Ne Cosmetic Surgeries Par Tana Dene Walon Ko Aaray Hathon Le Liya
Actress Alizeh Shah ne social media par cosmetic surgeries ke taane dene walon ko karara jawab de diya. Unka kehna tha ke jo log unhein criticize karte hain, wahi DM mein poochte hain ke woh itni slim aur face itna sharp kaise bana. Alizeh ne kaha: “Agar tum afford nahi kar sakte to meri ghalti nahi.”
Social Media Star Talha Ahmed Ki Kaunsi Video Wazir-e-Azam Ko Pasand Aayi?
Content creator Talha Ahmed ne khulasa kiya ke PM Shehbaz Sharif ko unki “sarkari afsar” aur “Bollywood Muslim role” wali videos bohot pasand aayi. Eik podcast mein Talha ne bataya ke PM ne unhein live perform karne ko bhi kaha aur maze se hansay. Talha ke mutabiq, PM se mulaqaat unke liye “ek khaas din” tha.
Doodh Fi Liter Kitna Mehanga Ho Raha Hai? Commissioner Ka Bara Faisla
Karachi ke dairy farmers ne doodh ki qeemat mein 50 rupey fi liter izafa ka mutalba kar diya aur dhamki di ke 1 October tak notification na mila to CM House ke bahar protest hoga. Commissioner Karachi ne bara faisla karte hua qeematon ka jayeza aur naya notification jari karne ke liye meeting bula li.
Ranbir Kapoor Ko Salgirah Par Beti Raha Ne Haath Se Card Likh Diya
Actor Ranbir Kapoor apni 43vi birthday par emotional surprise se khush ho gaye jab beti Raha ne unke liye handwritten card likha. Alia Bhatt ne Instagram par tasveerain share karte hua bataya ke Raha ne likha: “Duniya ke best Papa ko happy birthday.” Ranbir ne kaha ke unhein beti se 43 kisses ka special gift bhi mila.
Sana Javed Ka Shoaib Malik Ki Qaumi Team Mein Mojoodgi Se Mutaliq Bayan Par U-Turn
Actress Sana Javed ne shohar aur all-rounder Shoaib Malik ki national team mein mojoodgi par pehle kaha tha ke unka tajurba Pakistan ke liye umeed ki kiran ban sakta tha. Post viral hote hi criticism aya to Sana ne U-turn lete hua kaha: “Main nahi keh rahi Shoaib team mein hon zaroori hai, lekin senior players ka hona laazmi hai.”
5 Crore Bhatta Ke Liye Under-Construction Shopping Plaza Par Firing, Case Darj
Karachi Malir 15 mein under-construction shopping plaza par motorcycle sawar mulziman ki firing, police ne case darj kar liya. Baad mein international number se WhatsApp call aayi jisme firing ki zimmedari li gayi aur 5 crore rupay 1 hafte mein maange gaye. Dhmki: paisa na diya to dobara firing hogi. CCTV footage hasil ki ja rahi hai.
Eik Din Mere Bachay Honge Aur Jald Honge, Salman Baap Banne Ke Khwahishmand
Bollywood ke superstar Salman Khan ne khwahish ka izhar kar diya “Ek din mere bachay honge aur jald honge.” Talk show Too Much with Kajol & Twinkle Khanna mein Aamir Khan ke saath guftagu ke doran Salman ne kaha ke unke zyada tar rishte unki ghaltiyon ki wajah se tootay. Fans mein Salman ke is bayan ne kafi excitement paida kar di.