Saba Hameed Ka Ali Zafar Aur Meesha Shafi Case Par Bara Bayan, Kaha 8 Saal Se Lar Rahe Hain Magar Haar Nahi Maanenge
Saba Hameed ne Ali Zafar aur Meesha Shafi ke 8 saal purane harassment case par khamoshi tor di. Adalat ke bahar unhon ne kaha ke woh haar nahi maanengi aur unse baat nahi kar sakti jo aurton ki izzat nahi karte. Meesha Canada mein hain jabke unki walida adalat mein muqabla kar rahi hain.
25 Arab Rupay Money Laundering Case: Hamza Ali Abbasi Ki Behan Dr. Fazeela Abbasi Ki Zamanat Kharij
Hamza Ali Abbasi ki behan Dr. Fazeela Abbasi ki mushkilaat barh gaein. Islamabad ki Sessions Court ne “Money Laundering” case mein unki zamanat kharij kar di hai. FIR ke mutabiq unke 22 bank accounts se 25 Arab rupay Dubai aur America transfer kiye gaye. FIA is raqam ke asal zariye ki tehqiqaat kar rahi hai aur case dobara khul gaya hai.
Old Generation Ke Asasay Jama Karne Ka Junoon, Nayi Nasal Ko Susti Ki Taraf Dhakel Raha Hai: Zoha Tauqeer
Zoha Tauqeer ne Old Generation ka jayedaad bananay ke junoon par tanqeed ki. Aik interview mein unhon ne kaha ke baray buzurg apni zaat par kharch karne ke bajaye sirf asasay banatay rehte hain, jis se unki aulad sust ho jati hai aur khud mehnat karna chhod deti hai. Aur yahi wajah hai ke naye log kuch karne ki koshish nahi karte.
Imran Khan Ko Jail Mein Nahi Hona Chahiye, Wo Youth Ki Numaindagi Karte Hain: Naeema Butt
Adakaara Naeema Butt ne sabiq Wazir-e-Azam Imran Khan ki himayat mein bara bayan de diya. Unhon ne kaha ke Imran Khan ko j@il mein nahi hona chahiye kyunke wo sirf aik siyasi leader nahi, balkay mulk ki youth ki energy aur naujawano ki umeed hain aur unki rihaai waqt ki zaroorat hai.
Ali Zafar Ka Eid Par Pehne Gaye See Through Kurte Aur Ajrak Dhoti Par Tanzia Maafi Nama
Maroof gulukaar Ali Zafar ne Eid par pehne gaye apne “See-Through” kurte aur “Ajrak Dhoti” par honay wali tanqeed ka tanzia jawab de diya. Social media par unhon ne mazahiya andaaz mein “maafi” mangte hue kaha ke unhein ehsas hai ke unka kurta aur podon ko pani dena is waqt ka sab se bara qaumi masla ban chuka hai.
Fahad Mustafa Aur Unki Ahliya Ne Beti Fatima Ki Salgirah Manayi: Khubsoorat Pics Social Media Par Viral
Fahad Mustafa aur Sana Fahad ne apni beti Fatima ki 15 salgirah bharpoor andaaz mein manayi. Fatima ne is mauqe par baby pink rang ka khubsoorat libas pehna aur do mukhtalif cakes kaatay. Midnight celebration ke baad aik bari taqreeb hui jis mein khandaan ke buzurgon, doston aur cousins ne shirkat ki.
Resham Ki Shadi Karne Ki Naik Wajah, Shohar Ke Paiso Se Langar Taqseem Karne Ka Khwab
Resham ne apni shadi ki khwahish aur uske peechay naik maqsad ka inkishaaf kiya. Aik interview mein unhon ne kaha ke wo aik aisa hamsafar chahti hain jo unhein khulay dil se paise de taake wo mazeed “Langar” taqseem kar sakein. Resham ne is dour mein shadi tootne aur shohrat ke liye shadi karne walon se apne darr ka bhi izhaar kiya.
Muqaddas Jaga Khana Kaaba Ko Dekhne Aaye Aur Yahan Bhi Selfies, Khuda Ke Liye Tawaf Ke Doran Videos Nahi Banaya Karein: Gohar Rasheed
Maroof adakaar Gohar Rasheed ne Khana Kaaba mein selfies aur videos bananay walon par sakht tanqeed ki hai. Unhon ne kaha ke log muqaddas maqamaat par ibadat ke bajaye shooting mein masroof rehte hain. Gohar ne pur-zor mutaliba kiya ke tawaf ke doran videos bananay se guraiz karein aur is jagah ke ehtaram ka khayal rakhein.
‘A Bazaari Aurat Like Her Will Never Have Any Place In My Children’s Lives’: Sannia Ashfaq Ne Nyla Rajah Par Shadeed Tanqeed Kar Di
Cricketer Imad Wasim ki ex wife Sannia Ashfaq ne Nyla Rajah par shadeed tanqeed karte hue sakht alfaz istemaal kiye hain. Sannia ne social media par kaha ke aisi aurat ka unke bachon ki zindagi mein koi maqam nahi hoga. Unhon ne Nyla ko “homewrecker” qarar dete hue elan kiya ke wo apne bachon ko unke saaye se bhi door rakhengi.
Lahore Is Far Better Than Karachi In Terms Of Infrastructure In Terms Of Safety: Tabish Hashmi
Mashhoor comedian aur host tabish hashmi ne lahore aur karachi ka mawazna karte hue aik nayi behas cherdi. Unhon ne kaha ke lahore ka infrastructure aur hifazat ke lihaz se karachi se kahin behtar hai. Tabish ke is bayan ne social media par dono shehron ke chahne walon ke darmiyan aik dilchasp muqabla shuru kar diya hai.