Waqar Zaka Ne Eik Trade Se 4,056% Ka Shandaar Profit Keya
Waqar Zaka, jo eik mashhoor influencer aur kafi arsay se blockchain aur crypto se related videos bana rahe hain, aaj 24july ko 08:54:43 par XRP par 300x leverage ke sath short position open ki. Entry price $3.5126 aur fair price $2.9806 yea hai. Sirf eik trade mein waqar ne 300x ki leverage ke sath 4,056.37% ka profit booked kiya
Kia Kheera Sugar Aur Heart Patients ke Liye Faida Mand Hai?
Kheera hydration ka behtareen source hai, jisme 95% tak paani hota hai. Yeh skin ko glow deta hai aur blood pressure ko control mein rakhta hai. Diabetic patients ke liye bhi faida mand hai, kyun ke sugar level ko stable karta hai. Iss mein fiber hota hai jo digestion aur heart health ko support karta hai. Yeh natural cooling agent bhi hai.
Gold Ki Qeematon Mein Kami Gold 5,900 Rupay Sasta
Pakistan Aur Dunya Bhar Mein Gold Ki Qeematon Mein massive decline dekha gaya, Pakistan mein 24 karat Gold ka eik tola 5,900 rupay sasta hokar 359,000 rupay ka hogaya hai, jabke 10 gram Gold ki qeemat 5,058 rupay kam hokar 307,784 rupay par aagayi hai. Dunya bhar mein bhi kami dekhi gai hai, jahan eik ounce Gold ki qeemat 61 dollar se gir kar 3,363 dollar hogayi hai.
₹3,000 Cr Fraud Case, ED Raids ke Baad, No Impact
Reliance Group ke Chairman Anil Ambani ki companies, Reliance Infrastructure aur Reliance Power, ne ₹3,000 crore ke loan fraud case mein, ED ke raids ke baad clarifications di. Alag, alag statement me dono firms ne kahan ke is action ka unke business operations, financial performance, shareholders, employees ya kisi bhi stakeholder par bilkul koi asar nahi hua.
Mosam Ki Taaza Soorat E Haal 24 July, 2:27 PM
Pakistan ke shahron ki taaza mosam ke soorat-e-haal ke mutabiq iss waqt 24 July dopehar 2:27 PM par, Pakistan ke mukhtalif shahron ka darja hararat kuch is tarah hai. Karachi 32°C, Lahore 29°C, Islamabad 31°C, Faisalabad 31°C, Multan 35°C, Gujranwala 29°C, Sialkot 29°C, Quetta 33°C, Peshawar 34°C, jabke Hyderabad mein 36°C hai.
Rawalpindi Board Matric 2025 Toppers, Usman, Bisma, Maryam
Rawalpindi Board ne officially 2025 Matric examination results release kar diye hain. (Muhammad Usman, Lawrence College, Ghora Gali) ne 1200 mein se 1188 marks le kar first position hasil ki. (Bisma Ali, Punjab Girls School, Talagang) ne 1177 marks ke sath second position li. (Maryam Shehzadi, Bahria Foundation Girls School, Chakwal) ne 1175 marks le kar third position hasil ki.
Retired Colonel Ishaq Qazi Ki Body Mil Gai Hai
Islamabad ki housing society ke nala mein beh ne wale logon mein se eik ki laash mil gai hai, rescue officials ne tasdeeq ki hai ke ye Colonel (retired) Ishaq Qazi ki hai, jo apni 25 saal ki beti ke sath gaari mein mojood the, floodwater unhein nala mein baha le gaya tha.
Punjab Mein E-Taxi Scheme Agle Mahina Se Shuru Ho Rahi Hai
Punjab mein e-taxi scheme August mein shuru ho rahi hai, jisme quota ke hisaab se 30 e-taxis khawateen ko allocate ki gai hain. Scheme 2 hafton mein launch hogi aur iska business aur financial model tayar hai. Scheme ke liye online portal bhi tayar ho raha hai. 9 companies shortlist ho chuki hain jo interest-free easy installments par vehicles dengi.
24 July Currency Rates in Pakistan PKR Exchange Rates
Aaj 24 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 287 PKR, Euro 336.25 PKR, British Pound 387.50 PKR, UAE Dirham 78.30 PKR, Saudi Riyal 76.50 PKR, Kuwaiti Dinar 928.25 PKR, Canadian Dollar 211 PKR, Australian Dollar 187 PKR, Malaysian Ringgit 66.74 PKR, Swiss Franc 352.88 PKR, Indian Rupee 3.22 PKR.
Quetta Mein Larka,Larki Izzat Ke Naam Par Qatal
Quetta ke Qambrani Road par eik admi ne apni beti aur nephew ko izzat ke naam par qatal kar diya. Dono ki umar 18 se 20 saal ke darmiyan thi. Police ke mutabiq mulzim waqia ke baad farar ho gaya hai, jiske liye raids ke ja rahe hain. Laashein hospital muntaqil kar di gai hain.