Uae Mein 24 Sala Indian Larki Ke Saath Zayadti
Mumbai se taluq rakhne wali 24 sala larki, jo UAE ke McDonald’s mein kaam karti thi, uske 5 Nepali aur Indonesian colleagues ne milkar gangrape kiya. Waqia ke baad usay Abu Dhabi ke hospital mein admit kiya gaya aur baad mein Mumbai ke Shatabdi Hospital shift kiya gaya. Larki ki maa ne 26 June ko Versova police station mein report darj karwai.
Gold Ki Qeematon Mein Mazeed Kami
Pakistan aur dunya bhar mein gold ki qeematon mein kami dekhi gai, Pakistan mein 24 karat Gold ka eik tola 2,300 rupay sasta hokar 356,700 rupay ka hogaya hai, jabke 10 gram Gold ki qeemat 1,972 rupay kam hokar 305,812 rupay par aagayi hai. Dunya bhar mein bhi kami dekhi gai hai, jahan eik ounce Gold ki qeemat 23 dollar se gir kar 3,340 dollar hogai hai.
Kia Exercise ke Baad Doodh Peena se Weight Loss Hota Hai?
Science ke mutabiq, exercise ke foran baad doodh peene se weight loss tezi se hota hai aur doodh speedy recovery kara ne mein help karta hai. Hamari body ko jitne vitamins aur nutrients chahiye, woh sab doodh mein mojood hote hain. Doodh Vitamin D, Calcium aur Protein ka behtareen source hai. danto aur haddiyon ka leya bhi mufeed hai.
India Mein 18+ Apps Par Pabandi ALTT, Samait 25 Platforms Banned
Center ne eik notification jari ki hai, jisme internet service providers ko kaha gaya hai ke in apps ka India ke andar access band kar dein. Woh 25 content providers, jin mein Ullu, ALTT, Mojflix, Triflicks, Hitprime, HotX VIP, aur Hulchul App shamil hain. Yeh pabandi mobile apps ke sath-sath un se linked websites par bhi apply hogi. Maqsad 18+ content ka phelao rokna hai.
Mosam Ki Taaza Soorat E Haal 25 July, 2:25 PM
Pakistan ke shahron ki taaza mosam ke soorat-e-haal ke mutabiq iss waqt 25 July dopehar 2:25 PM par, Pakistan ke mukhtalif shahron ka darja hararat kuch is tarah hai. Karachi 33°C, Lahore 31°C, Islamabad 33°C, Faisalabad 33°C, Multan 36°C, Gujranwala 32°C, Sialkot 33°C, Quetta 33°C, Peshawar 37°C, jabke Hyderabad mein 37°C hai.
Ghotki Mein TikToker Ka Qatal, Shohar Par Qatal Ka Ilzaam
Sindh ke shehar ghotki mein TikToker Samira Rajpoot ki laash ghar se mili, jise loader rickshaw mein hospital le jaya gaya. Bhai ne ilzaam lagaya hai ke samira ko zehar de kar maara gaya. Jabke tiktoker ke gharwalo ne shohar par qatal ka ilzaam lagaya. Police ne Ali Rajput aur Adnan Rajput ko giraftar kar liya hai.
Karachi Ke 25 Towns Mein Parking Fee Khatam Karne Ka Hukum
Karachi ke 25 towns mein parking fee khatam kar di gai hai, sirf plazas, plots ya mukarrar jagah par hi fee li jayegi. Roads par charged parking par mukammal pabandi hai. Chief Minister Sindh ke hukm par notification jari hui hai aur tamaam town municipal corporations ko foran amal daramad ka kaha gaya hai.
Fitna-al-Khawarij Se Taluq Rakhne Wala Dehshat Gard Giraftar
Rawalpindi mein CTD aur intelligence agencies ne eik khufia operation mein Fitna-al-Khawarij se taluq rakhne wala khatarnaak dehshat gard ko giraftar kiya. Officials ke mutabiq mulzim kai martaba Afghanistan ja chuka hai jahan us ne training hasil ki. Dehshat gard Fitna-al-Khawarij ke ahem commander ke saath rabtay mein tha. CTD ne dehshat gard ke khilaf mukadma darj karke tafteesh shuru kar di hai.
25 July Currency Rates in Pakistan PKR Exchange Rates
Aaj 25 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 286.50 PKR, Euro 336.50 PKR, British Pound 388 PKR, UAE Dirham 77.70 PKR, Saudi Riyal 76 PKR, Kuwaiti Dinar 921.70 PKR, Canadian Dollar 208.50 PKR, Australian Dollar 187.5 PKR, Malaysian Ringgit 66.74 PKR, Swiss Franc 352.88 PKR, Indian Rupee 3.22 PKR.
US Mein Bachon Ke Sath Zayadti, 3 Afraad Giraftar
Brent, Alabama mein 3 afraad ko underground bunker mein bachon ke sath child s**x abuse aur trafficking ring chalane par giraftar kiya gaya hai. Un par r*pe, sodomy, trafficking aur 3 se 10 saal ke 6 bachon ki kidnapping ka ilzaam hai. Authorities ke tehqiqaat jari hain aur community ko hoshiyar rehne ki hidayat di gai hai.