21 June: Netflix Ki Trending Films Ne Sab Ka Dhyan Kheench Liya
Netflix par dhamakedar films ne sab ka dhyan kheench liya hai. Aaj ke top 10 trending titles mein JAAT, Hit The Third Case, Sikandar, Straw, K.O., Retro, Titan, Jewel Thief, World War Z aur Deva shamil hain. In films mein action, suspense aur thriller bharpoor hai, jo nayi audience ko attract kar raha hain.
Gold kai Daamon Mein Musalsal Girawat Global Market Bhi Mutasir
Pakistan mein Gold kai daam musalsal girawat ka shikar rahe. 24 karat gold per tola Rs1,595 sai kam ho kar Rs357,000 per tola ho gaya. 10 gram kai rate Rs1,368 sai gir kar Rs306,069 tak agai. Global market mein bhi $16 ki girawat dekhi gayi aur daam $2,356 per ounce ho gaya.
2025 Mein Polio Ka Eik Aur Case Samne Aa Gaya
Pakistan mein aik aur polio case report hua hai jo Shamsi Khel Union Council Bannu se hai, jahan 33 maheenay ka bacha mutasir hua. Is saal mulk bhar mein total 12 cases samne aa chuke hain. NEOC ke mutabiq 97 percent bachon ko polio vaccine di gayi hai, jabke kuch ilaqon mein target 101 percent tak poora hua.
2.8 Magnitude Ka Zalzala Mehsoos Kiya Gaya
Karachi mein Friday shaam 5:28 per 2.8 magnitude ka zalzala mehsoos kiya gaya, jiska markaz Korangi se 13 km door tha aur gehraai 4 km thi. Log ghabrahat ka shikar hue, magar kisi qisam ka nuksan ya zakhmi honay ki tasdeeq nahi hui. PMD ke data ke mutabiq, 1 June se ab tak Karachi mein 48 chhote zalzale record huay hain.
PTA Ka Crackdown 62 Raids Mein 72 Afraad Giraftar
PTA ne crackdown ke dauran 6.43 million inactive SIMS block kar di hain, jabke 2.989 million SIMS jo wafat yafta afrad ke ID cards par thi aur 69,246 SIMs jo cancel shuda CNICs se linked thi, woh bhi deactivate ki gayi hain. 62 raids mein 72 afraad giraftar huay, 11,470 illegal SIMs aur 193 fake biometric devices baramad hui.
16 Billion Login Credentials Leak
Cybersecurity experts ke mutabiq duniya ka sabse bara data breach samne aya hai jisme Apple, Facebook, Google, GitHub, Telegram aur hukoomati platforms ke 16 billion se zyada login credentials leak hue hain. Yeh data cyber attacks ke liye use ho sakta hai. Experts ne users ko passwords foran change karne aur 2FA enable karne ka mashwara diya hai.
Maroof Adakara Apne Flat Se Murda Paayi Gayi
Karachi se afsosnaak khabar hai ke veteran actress Ayesha Khan apne flat se murda paayi gayeen. Unki death ko taqreeban ek hafta guzar chuka tha. Yeh waqi’a Gulshan-e-Iqbal ke ilaqay mein hua. Actor Khaled Anam ne unki wafat ki tasdeeq karte hue dua ki ke Allah unhein jannat mein buland maqam ata farmaye.
July 2025 Ka Prize Bond Draw
Pakistan mein 750 rupay kai prize bond ka agla draw 15 July 2025 ko Rawalpindi mein honay wala hai. Pehla inaam Rs. 1,500,000 ka hai jo ek khush naseeb jeetay ga, jabke doosra inaam Rs. 500,000 teen logon ko milega. Teesra inaam Rs. 9,300 1696 winners ke liye rakha gaya hai. Awam is draw ka besabri se intezar kar rahi hai.
Weather Alert: Punjab Mein Barish Ka Imkaan
PDMA ke mutabiq Punjab mein aaj shaam se pre-monsoon barishon ka silsila shuru hone ka imkaan hai. Rawalpindi, Murree, Galyat, Lahore, Faisalabad, Sialkot, Multan, Bahawalpur aur doosre shehron mein 23 June tak barish, aandhi aur tez hawaon ka imkaan hai. DG PDMA ke mutabiq barish garmi ki shiddat mein kami laayegi.
20 June Currency Rates in Pakistan – PKR Exchange Rates
Aaj 20 June 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.70 PKR, Euro 324.50 PKR, British Pound 380.10 PKR, UAE Dirham 77.30 PKR, Saudi Riyal 75.60 PKR, Kuwaiti Dinar 914.80 PKR, Canadian Dollar 205.00 PKR, Australian Dollar 182.00 PKR, Chinese Yuan 38.85 PKR, Swiss Franc 335.55 PKR, Indian Rupee 3.19 PKR.