Mardan Se 4 Laashen Baramad, Tahqiqat Jari
Mardan ke Pahari ilaqay se 4 afraad ki laashen mili hain. Marne walon mein 3 sarkari mulazim aur 1 maqami shakhs shamil hai. Dilhila dene wale waqia ke baad police ne ilaqay ko gher liya aur saboot ikathtay kiye. Police ke mutabiq laashen Type D Hospital Katlang muntakil ki gayi hain. Post-mortem ke baad mazeed maloomat ka imkaan.
Aam Aadmi Bhi Ban Sakta Hai Crypto Investor
Crypto sirf ameer logon tak mehdood nahi. Aam aadmi bhi har maheena sirf 500 rupay invest karke is safar ka hissa ban sakta hai. Agar aap Bitcoin, Ethereum ya Solana mein har maheene 500 rupay invest karne ki aadat bana lein aur yeh silsila 5 saal tak jari rakhein, tou aap achha munafa kama sakte hain. Sab se zaroori hai sabr, consistency.
Karachi Mein 5 Crore Ki Chori, Kaam Wali Aur Uska Beta Shamil
Clifton ke ilaqay mein 15 saal tak wafadari ka dikhawa karne wali kaam wali ne malikan ko 5 crore ka chuna laga diya. Chori ke paison se Punjab mein 5 marla aur 7 marla ke 2 plot, 2 gaariyan (jinki maliat 40 se 50 lakh hai), ek ghar aur Defence mein 50 lakh ka flat khareeda. Chori mein uska beta aur uske sathi bhi shamil thay.
Shauhar Ne 10 Maheene ka Bacha Chulhe Par Jala Diya
Karachi ke ilaqay Liaquatabad mein afsosnak waqia samne aaya hai, jahan miyan biwi ke jhagre ke dauran shauhar ne 10 maheene ke masoom bache ko chulhe par rakh kar jala diya. Police ne mulzim ko giraftar kar liya hai. Shauhar ka kehna hai ke biwi talaaq mangti thi, jis par jhagra hua.
Shahrah-e-Faisal Par Afsosnak Waqia
Shahrah-e-Faisal par Saddar ki taraf ja rahi motorbike par zang alooda bijli ka khamba gir gaya. Motorbike sawar khandan hadse ka shikar ho gaya. Shohar mouqa par hi ja bahq, jabke bivi aur 17 saala beti shadeed zakmi ho gayi, jinhein hospital muntqil kar diya gaya.
Rawalpindi Mai Congo Virus Ka Pehla Case Report
Wah Cantt ka 38 saala Rashid Mumtaz, 17 June ko Holy Family Hospital mein admit hua, jismein Congo virus ki tasdeeq hui. Usne Eid-ul-Azha par apne cousin Junaid Khan ke sath 4 bakray aur 2 gai ziba kiye. Filhal woh stable aur isolated hai. Do qareebi afraad mein bhi bukhar ke symptoms dekhae gaye hain, PCR reports ka intezar hai.
Mufti Tariq Masood Kaa Waqia Masjid Mein Politics
Hum namaz ke liye thoda late thay. Imam sahab ne salam ke baad dua shuru ki ‘Ya Allah, Waseem bhai ne jo dariyan masjid ke liye di hain, unke agle pichhle gunah maaf farma. Qutbuddin bhai ne jo masjid ka nalka theek karwaya hai, unke walid marhoom ko jannat naseeb farma.’ Bhai, itni politics tou politicians mein bhi nahi hoti!
82 Palestinians jaan bahaq
Gaza mai Israeli fauj ke halia hamlon mai 82 Palestinians jaan bahaq ho gaye, jin mai se bohot se log madad lene ke liye kharay thay. Central, southern aur Gaza City mai airstrikes ne gharo, hujoomon aur aid centers ke qareeb ilako ko nishana banaya.
Trump Ka Daawa Ceasefire Par Nobel Prize Ka Haqdaar Hoon
New Jersey mein media se guftagu ke duran, U S. President Donald Trump ne kaha ke unhein India-Pakistan ke darmiyan ceasefire mein kirdar ada karne par Nobel Peace Prize milna chahiye tha. Unka kehna tha ke mujhe chaar ya paanch dafa milna chahiye tha. Hukumat-e-Pakistan ne President Donald J. Trump ko 2026 Nobel Peace Prize ke liye recommend kar diya hai.
YouTuber Maaz Safder Ki Family Alag Ho Rahi Hai
Mashhoor YouTuber Maaz Safder ne Bahria Town ka ghar chor diya hai aur unki family wapas purane flat mein aa gayi hai. Maaz ke abu ka kehna hai, “Ab humein alag hona parega, ek din ye hona hi tha. Is se tum logon ka pyar aur barhega.” Damadas abu ke sath rahega, jabke Shaz aur Maaz alag ho rahe hain.