20 KM Baad Yaad Aaya – Aray Biwi Tou Peechay Reh Gayi
Gujranwala ka eik shehri apni biwi ke saath Karachi ja raha tha. Safar ke dauran Jaranwala service area par namaz ke liye rukay. Shohar namaz ke baad gari mein baitha aur 20 km door chala gaya. Kuch der baad ehsaas hua ke biwi service area mein reh gayi hai. Motorway Police se raabta kiya, jiske baad biwi wapas mil gayi.
Freelancing Ka Urooj: Nayi Nasal Ka Naya Safar
Nayi nasal ka rujhan ab freelancing ki taraf barhta ja raha hai. Flexible timing, global clients aur apne skills se kamai ka moka usay ek dilchasp aur faida mand pesha bana raha hai. 9 to 5 jobs ab bhi ahmiyat rakhti hain, magar freelancing naye daur ke mutabiq zyada azaadi aur possibilities faraham karti hai.
Airspace Ban Barqarar, Indian Flights Mutasir
Pakistan ne Indian flights ke liye airspace ki restriction mazeed aik mahine ke liye barha di hai. Pehli baar yeh pabandi 24 April ko lagayi gayi thi, phir 23 May ko extend hui. Ab tak Indian airlines ko 800 crore rupay se zyada ka nuqsan ho chuka hai, jabke fuel aur stopover costs mein bhi izafa hua hai.
Hukumat Ka Naya System – Overbilling Aur Corruption Ka The End
Hukumat-e-Pakistan ne overbilling rokne ke liye manual meter readers khatam karne ka faisla kiya hai (Karachi ke siwa). PM Shehbaz Sharif ne naya digital billing system approve kar diya hai. “Apna Meter Apni Reading” app ke zariye log apni meter reading khud bhej sakenge. Ye app English, Punjabi, Sindhi, Pashto aur Balochi zabano mein use ki ja sakegi.
Pakistan Ka Bara Qadam – Rs1,275bn Ka Moahida
Pakistan ne 1,275 billion rupay ka loan consumer-friendly sharaait par liya hai taake energy sector ka debt khatam ho. Awam sirf Rs3.23 per unit ka purana surcharge hi ada karenge. Rs683B PHL ke liye aur Rs592B IPPs ke dues chukaye jayenge. Officials ke mutabiq, is se electricity bills mein koi izafa nahi hoga.
23 June Currency Rates in Pakistan – PKR Exchange Rates
Aaj 23 June 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.60 PKR, Euro 326.10 PKR, British Pound 382.10 PKR, UAE Dirham 77.25 PKR, Saudi Riyal 75.60 PKR, Kuwaiti Dinar 916.50 PKR, Canadian Dollar 201.85 PKR, Australian Dollar 180.75 PKR, Chinese Yuan 39.12 PKR, Swiss Franc 344.04 PKR, Indian Rupee 3.18 PKR.
Ghar Baithe Khareedari: Faide aur Nuqsanat
Online shopping ne zindagi asaan bana di hai – ghar baithe har cheez dastiyab hai, time aur effort dono bachte hain. Discounts aur variety bhi zyada milti hai. Lekin is ke nuqsanat bhi hain: fraud, ghalat item milna, late delivery aur asal cheez ka tasveer jaise na niklna. Har sahulat ke saath kuch risk bhi hota hai.
Aam ke Faida – Garmiyon ka Meetha Tohfa
Aam na sirf swad mein lazeez hota hai balkay sehat ke liye bhi bohot mufeed hai. Yeh vitamin A, C aur fiber ka behtareen zariya hai jo immune system ko mazboot banata hai. Aam hazme mein madad karta hai aur skin ko bhi chamakdaar banata hai. Isay “phalon ka badshah” yunhi nahi kehte!
Zalzale Ke Jhatke, Shiddat 3.8 Record
Karachi ke ilaqay Malir aur us ke ird gird zalzale ke jhatke mehsoos kiye gaye. Zalzale ki shiddat 3.8 record hui. Meteorological Department ke mutabiq, iska markaz Malir ke shumal mein 5 km ke faaslay par tha, aur gehraai 10 km zameen ke andar thi. Zalzale Ke Jhatke shaam 6:30 baje mehsoos kiya gaya.
Haldi Mix Karne Ka Naya Andaaz Viral
Social media par aik naya trend samne aaya hai jahan log simple paani mein haldi mila kar usay mix hotay hue record kar rahe hain. Log is golden mix ko andhere mein roshni ki madad se dekh kar uski chamak aur rang ka lutf utha rahe hain. Yeh naya aur creative idea logon ki tawajju ka markaz ban gaya hai.