Rawalpindi Mein Zehreela Doodh Peene Se Teen Bachon Ki Maut
Rawalpindi ke ilaqay Raja Sultan mein aik afsosnaak waqia hua jahan zehreela doodh peene se teen bachay jaan se chale gaye. Waqia Bhatha Naik Alam, Thana Banni ki hudood mein pesh aaya. Police ne tahqiqat shuru kar di hain jabke bachon ki walida ko nazuk halat mein hospital muntaqil kar diya gaya hai.
Apne Accounts Ko Hack Honay Se Bachayein
Two-Factor Authentication aapke accounts ko hack hone se bachata hai. Agar kisi ko aapka password mil bhi jaye, toh bina second code ke woh login nahi kar sakta. Apne email, social media aur banking apps mein 2FA enable karein. Yeh code aapko SMS, email ya authentication app ke zariye milta hai
Laptop Chalayen Magar Aankhon Ko Na Jalayein
Jo log rozana 8 ghantay ya us se zyada laptop ka istemal karte hain, unki aankhon ki roshni mutasir ho sakti hai. Is se bachne ke liye 20-20-20 rule apnaayein: har 20 minute baad, 20 feet door kisi cheez ko 20 second tak dekhein. Saath hi anti-glare screen use karein aur regular eye check-up zaroor karwaayein.
Mulk Bhar Mein Barishon Ka Imkaan, Alert Jaari
Pakistan Meteorological Department ke mutabiq 25 June se 1 July tak mulk ke mukhtalif hison mein barishon ka imkaan hai. Sindh, KP, Balochistan, Kashmir aur Gilgit-Baltistan mein tez hawaon ke sath shadeed barish honay ka imkaan hai. NDMA ne urban flooding ka khatra jataya hai aur logon ko billboard, poles aur kamzor deewaron se door rehne ki hidayat di hai.
Rabeeca Khan Aur Hussain Tareen Phir Se Surkhiyon Mein Aa Gaye
Kal raat Rabeeca Khan aur Hussain Tareen ne apni Qawali Night aur Mehndi ka event host kiya. Rabeeca ne elegant look se sab ka dil jeet liya. Dono ki tasaveer social media par tezi se viral ho gayi, fans aur followers ne jodi ko bepanah pasand kiya.
Sindh ke Shehar Dadu Mein Press Club ke Bahar Firing
Dadu mein Press Club ke bahar musallah shakhs ne achanak firing kar di, jismein sahafi Niaz Chandio aur Rafiq Ahmed zakhmi ho gaye. Police ne foran moqa par pohanch kar jawabii firing ki, jismein mulzim Muhammad Ali Khaskheli halaak ho gaya. Hamlay ki wajah abhi samne nahi aa saki, tahqiqat jaari hain.
Yasir Nawaz Ke Bhai Ka Intiqal — Showbiz Mein Gham Ka Mahol
Mashhoor Pakistani actor aur director Yasir Nawaz ne Instagram par apne bare bhai Waqar Nawaz ke inteqal ki udasi bhari khabar di. Yasir ne dua ki ke Allah unki maghfirat kare aur Jannat-ul-Firdous mein jagah ata farmaaye. Fans, celebrities aur industry ke logon ne afsos aur taaziyat ka izhar kiya.
Minahil Malik Ki Ek Aur Private Video Leak, Social Media Par Tofaan
Pakistani TikToker Minahil Malik ek baar phir tanqeed ka shikar ban gayi hain, jab unki ek aur private video leak ho kar social media par viral ho gayi. Pehle bhi, SK ke sath talluq khatam hone ke baad, unki kuch clips samne aayi thi. Naye video leak ke baad, logon ki janib se shadeed tanqeed dekhne ko mili.
Philippines Mein 6.2 Magnitude Ka Shadid Zalzala
Philippines mein Tuesday subah 7:28 AM par 6.2 magnitude ka shadid zalzala aaya, jo National Centre for Seismology ke mutabiq Philippine islands ke east mein sirf 10 km gehraai mein waqeh hua. Phivolcs ne magnitude 6.4 report kiya, lekin koi tsunami alert nahi diya gaya.
Iran-Israel Jang Ka Khatma – Mukammal Ceasefire Ka Elan
US President Donald Trump ne kaha ke Iran aur Israel ne mukammal ceasefire par ittefaq kar liya hai. Ceasefire Tuesday subha 0400 GMT se shuru hoga. Pehle Iran hamlay rokeyga, aur 12 ghantay baad Israel bhi apni karwai band karega. Dono taraf se jang khatam karne ka faisla hua hai.