Maharao Canal Mein Teen Talib-e-Ilm Doob Kar Jaan Bahaq
Maharao canal mein nahaate hue teen talib-e-ilm doob kar jaan bahaq ho gaye. Do bhai aur unka cousin teharte hue gahraai mein chale gaye. Rescue team ne laashen nikaal kar hospital pohchaayi. Jaan bahaq hone walon mein 10 saala Rehman, 12 saala Mahmood aur 16 saala Rashid Khasheli shamil hain. Police ke mutabiq teeno Pir Ka Thala, Sanghar ke rehaishi thay.
Apna Ghar Lain Ya Kiraye Par Rahain
Mahireen ka kehna hai ke pehle kiraye par reh kar apna business shuru karna zyada behtareen hota hai, kyunke is se maal mein izafa hota hai. Magar shehron mein tez tar kiraye logon ke liye bojh ban chuke hain. Aise mein log samajh nahi pa rahe ke ghar khariden ya pehle karobar mein paisa lagayein
Buzurg Aurat Ki Laash Shah Latif Town Se Baramad
Nazimabad se laapata hone wali 60 saal ki buzurg aurat ki tortured shuda laash Karachi ke Shah Latif Town ke Sector A-21 ki jhaariyon se mili. Marhooma 8 betiyon ki maa thi. Police ne laash ko formalities ke baad warisoon ke hawale kar diya hai. Abhi tak wafat ki wajah ka ta’ayun nahi ho saka, tafteesh jaari hai.
American Mein Zinda Laashen Sadkon Par
Philadelphia ki sadkon par log zinda laashen banay ghoom rahe hain, jhukay huay, behosh, aankhon mein zindagi ka nishan nahi. Sheher ka manzar kisi horror film se kam nahi. Har taraf afratfri aur khauf ka mahaul hai. Yeh halat aik khatarnaak drug ke istamal ka nateeja hai, jo logon ko bedar aur bejaan halat mein sarko par le aayi hai.
JI ka Qadam: Public Committees Ka Elan
Jamaat-e-Islami ke Emir Hafiz Naeemur Rehman ne mulk bhar mein public committees banane ka elan kiya hai jo awaam ke roz marra ke masail hal karengi. Tanzeemi ijlaas mein ye faisla hua. Unhon ne kaha ke youth ko tarjeeh di jayegi aur committees manshiyat ke istamal ke khilaf awaaz uthayengi.
Jurm Ka Toofan: Bharat Mein Khawateen Mehfooz Nahi
Modi hukumat ke dauran Bharat mein jinsi juraim mein khofnak izafa hua hai. Har 15 minute mein ek rape report hota hai. Rajasthan mein Fransisi sayyah aur Karnataka mein ijtimai ziadti ke waqia ne India ki global shohrat ko shadeed nuqsan pohanchaya. Adalti nizaam ki susti aur hukoomat ki khamoshi par opposition aur insani huqooq tanzeemen sakht tanqeed kar rahi hain.
Budget 2025-26: Tankhwa Barhi, Tax Mein Chhoot
PPP ne budget 2025-26 ki himayat ka faisla kiya. Bilawal Bhutto ne tamam members ko Finance Bill ke haq mein vote dene ka hukam diya. BISP ka budget 20% barhaya gaya, solar panel par tax 18% se aadha hua, 10% salary aur 7% pension izafa, Rs100,000 mahana tankhwa tak ke afraad income tax se mustasna, Sindh universities ka budget bhi bahaal.
Awam Ke Liye Asaani Aur Transparency
Prime Minister Shehbaz Sharif ne mutaliqa idaron ko mulk bhar mein smart electricity meters ki tezi se nasb ka hukm diya hai. Unhon ne kaha ke in meters se efficiency aur monitoring mein behtari aayegi. Saal ke aghaz mein, LESCO ne bhi 50 lakh single-phase meters ko smart meters se tabdeel karne ka plan ka elan kiya tha.
Karachi Mein Puncture Ki Dukaan Par Soye Shaks Ka Qatl
Puncture ki dukaan par sote hue Mustaqim ko naamaloom afraad ne chhurion ke waar se qatl kar diya. Waqia North Karachi Sector A4 ke ilaqe mein pesh aaya. Police ke mutabiq Mustaqim ne chand din pehle yeh dukaan lagai thi. Waqia zaati dushmani ka nateeja lagta hai. Laash ko hospital muntakil kar diya gaya hai.
26 June Currency Rates in Pakistan – PKR Exchange Rates
Aaj 26 June 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 284.85 PKR, Euro 331.75 PKR, British Pound 389.25 PKR, UAE Dirham 77.65 PKR, Saudi Riyal 75.95 PKR, Kuwaiti Dinar 921.1 PKR, Canadian Dollar 206.25 PKR, Australian Dollar 184.5 PKR, Malaysian Ringgit 66.12 PKR, Swiss Franc 343.9 PKR, Indian Rupee 3.16 PKR.