Lahore Mein Bhaiyon ki Larai Mein Dada Halak
Lahore ke Akbari Gate ke ilaqay Mohalla Naimat Gran mein Gulman Khan aur Noman ke darmiyan jhagre ke dauran 85 saal ke Dada Muhammad Riaz sulah karwate hue goli lagne se halak ho gaye. Muhammad Riaz samet 3 afraad zakhmi hue. Waqe ke baad dono mulziman moka se farar ho gaye. Police ne eik mulzim ko giraftar kar liya hai.
Arshad Nadeem Dunia Mein Chauthay Number Par
World Athletics ne javelin throwers ki world rankings jari ki hain. Pakistan ke Olympic gold medalist Arshad Nadeem 1,370 points ke sath chauthay (4) number par hain. Neeraj Chopra 1,445 points ke sath pehle (1), Anderson Peter 1,431 points ke sath doosray (2), aur Julian Weber 1,407 points ke sath teesray (3) number par hain.
Lahore Mein Do Bachay Halak, Teen Aafrad Zakhmi
Shahdara Town Power House ke qareeb Abbas Nagar mein matti ka single-storey makan gir gaya. Rescue 1122 ke mutabiq chhat girne se do bachay halak ho gaye, jabke Ayesha (9), Hasnain (11), Suleman (6), unke walid Atiq (36) aur walida Summera shadeed zakhmi hue. Rescue 1122 team ne jaan bahaq aur zakhmi afraad ko kareebi hospital muntaqil kiya.
5,000 Ke Baad Ab 13,500 Apka Paisa Tayyar Hai
Agar aap Dera Ghazi Khan se hain, pehle 5,000 ka relief mil chuka hai aur BISP mein registered hain, to ab 13,500 rupay aap ke account mein aa chukay hain. CNIC 8171 par bhej kar status check karein. BISP center ya retailer par ja kar asli CNIC dikhayein aur biometric tasdeeq ke baad paisa hasil karein.
10 Saala Musawar Kakar Ki Laash Mastung Se Baramad
Pichlay saal school jate waqt Patel Bagh Quetta se agwa hone wale 10 saala Musawar Kakar ki laash Mastung se baramad ho gayi. Musawar, tajir Haji Raz Muhammad ka beta tha. DNA test se uski tasdeeq hui. Hukumat ne apni nakaami maan li. Police ne 2000 search operations kiye magar koi kaamyabi na mil saki.
1.60 Crore aur 40 Tolay Sona: Ghar Ke Malikan Ka Chori Mein Haath
Lahore ke eik ghar mein chori ka waqia samne aaya jahan 1 crore 60 lakh rupay aur 40 tolay sona chori hua. Police ne jadeed technology se waqia trace karke 2 mulziman ko giraftar kar liya. Tehqiqaat mein pata chala ke ghar ke malikan ne apne driver ke sath mil kar chori ka plan banaya. Cash, sona aur pistol baramad kar liya gaya.
Shefali Jariwala 42 Saal Ki Umar Mein Chal Baseen
Indian actor Shefali Jariwala, jo “Kaanta Laga” song aur Bigg Boss 13 se mashhoor hui thin, 42 saal ki umer mein cardiac arrest ki wajah se wafat pa gayin. Unke shohar Parag Tyagi unhe foran hospital le gaye lekin doctors ne unki death confirm kar di. Shefali Nach Baliye aur film “Mujhse Shaadi Karogi” mein bhi nazar aayi thi.
Family Ke Sath America Jaane Ka Qanooni Rasta
E2 visa un afraad ke liye ek aham qanooni option hai jo America mein apna karobaar shuru karna chahte hain. Is visa ke zariye sirf darkhwast guzar nahi balkay unki poori family yani biwi aur bachay bhi America mein rehaish taleem aur behtar zindagi ke mauqay hasil kar sakte hain.
YouTuber Rajab Butt ke Ghar Firing
Mashhoor YouTuber Rajab Butt ke ghar par firing ka waqia pesh aaya. FIR unke bayaan par Thana Chohang mein darj hui. Unka kehna hai ke naamaloom afraad ne goliyaan chalain jo ghar ki deewaron par lagin. Firing se unka kutta bhi goli lagne se mar gaya. Muqadma mein dafaat 440 aur 429 darj ki gayi hain.
Ek Anokhi Duniya Aur Khofnak Khel
Alice in Borderland December 10, 2020 ko Netflix par release hui. Yeh kahani hai Arisu ki, jo apne doston ke saath achanak ek khaali aur ajeeb shehar mein phans jata hai. Bachne ke liye unhein khatarnaak games khelne parte hain. Ab tak is series ke 2 seasons aa chuke hain jo kaafi maqbool huay hain.