Jeddah Se London Flight Mein Afsoosnaak Waqia
Saudi Airlines ke Jeddah se London jaane wali flight mein duty ke dauran cabin crew manager Mohsen Al-Zahrani ki tabiyat achanak kharab ho gayi. Airline ke mutabiq medical team ne foran madad di, magar wo Cairo pohanchne se pehle hi jaan ki baazi haar gaye. Flight emergency taur par Cairo International Airport divert ki gayi.
Lahore Se 12 Saal Ka Larka Agwa
Lahore ke Shahdara ilaqay mein eik motorcycle sawar ne 12 saal ke larke ko lift dene ke bahane agwa kar liya. Larka ghar ka saamaan lene nikla tha. CCTV footage mein mulzim ko larke ke sath bike par le jate dekha gaya. Police ne muqadma darj kar ke talaash ka aaghaz kar diya hai.
Kam Khaiye, Samajh Se Khaiye, Sehat Bachaiye
Agar aap exercise nahi karte tou overeating se parhez zaroori hai. Extra calories jism mein fat ki shakal mein jamti hain, jo weight gain, diabetes, aur heart problems ka sabab ban sakti hain. Har meal ko balance karna aur portion control karna zaroori hai. Bagair physical activity ke zyada khana sehat ke liye khamosh nuqsan hai.
Alina Aamir Ki Lip Sync Video Social Media Per Viral
Tiktoker Alina Amir ki nayi video tezi se social media per viral ho rahi hai jismein woh mashhoor dialogue “Woh jo pills khati ho woh kya hain?” par zabardast lip sync karti nazar ayei. Unka confident style aur expressions ne fans ka dil jeet liya. Video ko chand ghanton mein hazaron likes aur shares mil chuke hain.
Apni Marzi Se Dawa Khana — Jan Leva Ghalti
Bina doctor ke mashware dawa lena khatarnaak ho sakta hai. Har dawa har shakhs ke liye nahi hoti. Agar aapko fever mein koi dawa mili ho, tou iska matlab yeh nahi ke wohi dawa doosre ko bhi di jaye. Har jism mukhtalif hota hai. Ghalat dawa zehr ban sakti hai. Dawa sirf doctor ki hidayat se leni chahiye.
Electric Ya Petrol Konsi Gaari Behtar
Electric cars petrol ke bagair electricity se chalti hain, environment friendly hoti hain aur unki maintenance bhi kam hoti hai. Petrol cars zyada powerful hain aur lambi drive ke liye zyada suitable hoti hain. Aaj ke daur mein fuel ki mehngai aur pollution ke madde nazar, electric cars behtar aur future-friendly option samjhi ja rahi hain.
PM ka Bijli Ke Bill Se PTV Fees Khatam Karne Ka Faisla
Prime Minister Shehbaz Sharif ne faisla kiya hai ke bijli ke bills se PTV fees, jo har mahine Rs.35 li jati thi, ab khatam ki ja rahi hai. Har mahine 42.6 million consumers se 1.5 billion rupay ikattha hote thay. Yeh qadam unhon ne consumers ko relief dene ke liye uthaya.
Tamasha Season 4: Awaam Ke Liye Khulain Darwazai
Tamasha Season 4 jald aanay wala hai aur is martaba show ke darwazai pehli dafa awaam ke liye bhi khulain hai. Sirf celebrities nahi, ab aam log bhi ghar ka hissa banenge. Adnan Siddiqui eik baar phir se host karenge. Show ka format Bigg Boss jaisa hai, jahan logon ko eik hi ghar mein rakha jaye ga.
Karachi Mein Barish Se Mausam Khushgawar
Karachi mein aaj subha se halki aur darmiyani barish ka silsila jaari hai, jis se mausam khushnuma ho gaya hai. Thandi hawaon aur badalon ki garaj chamak ne sheher ka darja hararat kam kar diya hai. Shehri mausam ka lutf uthane ke liye tafreehi maqamat ka rukh kar rahe hain.
Lake Tahoe Mein Kashti Ulat Gayi, 8 Afraad Halak
California ke Lake Tahoe mein aik tafreehi safar ke dauran boat ulat gayi. Toofan ke bais kashti palat gayi, jis ke nateejay mein 8 afraad halaak ho gaye. Yeh log birthday manane ke liye aaye thay jab achanak lake mein shadid lehrain uthin aur hadsa pesh aaya.