Lahore Mein Cheeni Ke Rate Aasman Par
Lahore ke mukhtalif ilaqon mein cheeni 190 se 200 rupay kilo tak farokht ho rahi hai, jo awaam ke liye shadeed pareshani ka sabab ban gai hai. Shehriyon ka kehna hai ke hukoomat ka koi check and balance nahi, Shehriyon ka mutalba hai ke foran rate list jari ki jaye aur committee chalu ki jaye.
14 July Currency Rates in Pakistan PKR Exchange Rates
Aaj 14 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 287.10 PKR, Euro 335.60 PKR, British Pound 390.10 PKR, UAE Dirham 78.30 PKR, Saudi Riyal 76.60 PKR, Kuwaiti Dinar 927.65 PKR, Canadian Dollar 210.10 PKR, Australian Dollar 187.60 PKR, Malaysian Ringgit 66.30 PKR, Swiss Franc 353.73 PKR, Indian Rupee 3.23 PKR.
Chehre Ki Khoi Hui Chamak Wapas Laein
Agar aapka chehra pehle jaisa glow nahi de raha, to eik asan lekin mufeed face mask zarur azmaein. 1 chamach besan, aadha chamach haldi aur thora doodh mila kar paste bana lein. Chehre par 15 minute lagayein, phir dhoyein. Yeh mask na sirf chehra saaf karta hai, balkay chamak bhi wapas laata hai.
Kia Black Coffee Se Wazan Kam Hota Hai?
2018 mein eik research ki gayi jisme 2 groups banaye gaye. Eik group ko bina cheeni aur doodh ke black coffee di gayi, doosre ko nahi. Kuch hafton baad black coffee lene walon ka wazan zyada kam hua. Black coffee metabolism tez karti hai, bhook kam karti hai aur calories kam honay ki wajah se weight loss mein madad milti hai.
AC Ka Pani Bekaar Nahi, Bohat Kaam Ka Hai
AC se nikalne wala pani log bekaar samajh kar zaya kar dete hain, lekin yeh bohat qeemti hota hai. Yeh chemical-free aur distilled water jaisa hota hai. Podon ko paani dene, farsh, gari, bathroom dho ne, battery aur istrii mein istemal ho sakta hai. Agar sahi tareeqa se akatha kiya jaye to kapray aur bartan bhi dhoay ja sakte hain.
Na-Munasib Videos Banane Wala TikToker Masil Giraftar
TikToker Masil ko Peshawar police ne giraftar kar liya hai, jo Tehsil Park Gor Khari mein na-munasib videos bana kar social media par viral karta tha. Police ke mutabiq us par pehle bhi ghair ikhlaqi videos, drugs, ice aur larai jhagray ke muqadmaat rahe hain. Is martaba usey 3MPO ke tehat jail bhej diya gaya hai.
Lahore Mein Chhat Girne Se Do Bachay Jaan Bahaq
Lahore mein Badami Bagh Khokhar Road ke qareeb eik khasta haal ghar ki chhat girne se do nanhay bachay jaan se gaye aur eik zakhmi hua. Ye waqia dopehar ke waqt hua. 5 saala Tauseef aur uska 7 saala cousin Subhan halaak hue, jabke 3 saala Rehan aur unki dadi zakhmi ho gaye. Ghar Danish Raza naam ke eik shehri ka tha.
Gutka, Mawa Chhorne Ke Liye 10 Din Ki Mohlat De Di
Sindh Police ne apne afsar aur jawanon ko gutka aur mawa chhorne ke liye 10 din ki deadline de di hai. AIG Imran Qureshi ne kaha ke in nashon se na sirf sehat kharab hoti hai, balkay department ki badnaami bhi hoti hai. Adaat na chhorne walon ke khilaaf sakht karwai hogi.
Bina Internet Ke Ab Sms Bhejna Mumkin
Twitter ke co-founder Jack Dorsey ne eik naya messaging app Bitchat introduce kiya hai jo bina internet ya signal ke kaam karta hai. Ye Bluetooth mesh network ka use karta hai jisse log seedha eik dosray ko message bhej saktay hain. Bitchat mein account, number ya email ki zarurat nahi, messages sirf device par save hotay hain aur encrypted hote hain.
Kya ChatGPT Aapko Sahi Jawab Nahi Deta?
Aksar log ChatGPT sirf translation ya choti maloomat ke liye use karte hain, lekin yeh eik powerful tool hai jo research, article writing, resume banane aur coding mein bhi kaam aata hai. Agar aap clear aur sahi prompt dein, toh aapko apni zarurat ke mutabiq behtareen result milta hai. Yeh waqt aur mehnat dono bachata hai.