CM Punjab Ne Hamdardi Aur Taziyat Ka Izhar Kiya
Punjab Chief Minister Maryam Nawaz ne Thokar Niaz Baig mein chhat girne ke afsosnaak waqia par gehra dukh ka izhar kiya hai. Is haadsa mein eik hi khandan ke paanch afraad jan bahaq hue, jo intehai takleef de baat hai. Maryam Nawaz ne halaak shuda afraad ke ghar walon se hamdardi aur taziyat ka izhar kiya hai.
Rawalpindi Mein Aaj Chhutti Ka Elan
Mousmi halaat ke paish-e-nazar Rawalpindi mein eik din ki chhutti ka elan kar diya gaya hai. Deputy Commissioner ne aaj shehar bhar mein chhutti ki notification jari ki hai. Awam ko hidayat di gayi hai ke woh ghair zaroori tor par gharon se bahar na niklein aur apni hifazat ke liye gharon mein hi rahain.
17 July Currency Rates in Pakistan PKR Exchange Rates
Aaj 17 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 288 PKR, Euro 335.25 PKR, British Pound 387 PKR, UAE Dirham 78.75 PKR, Saudi Riyal 76.75 PKR, Kuwaiti Dinar 930 PKR, Canadian Dollar 211 PKR, Australian Dollar 186.50 PKR, Malaysian Ringgit 66.50 PKR, Swiss Franc 352.88 PKR, Indian Rupee 3.22 PKR.
Duniya Ka Dosray Ameer Tareen Shakhs
Oracle ke co-founder Larry Ellison pehli dafa duniya ke dosray sabse ameer shakhs ban gaye hain, unhon ne Meta ke CEO Mark Zuckerberg ko peeche chor diya hai. Bloomberg Billionaires Index ke mutabiq, 80 saala Ellison ki daulat ab $251.2 billion tak pohanch gai hai, jismein 80% se zyada Oracle ke shares aur options shamil hain.
Meta Ne 10 Million Fake Profiles Delete Kar Di
Facebook ne 2025 mai taqreeban 10 million fake profiles delete kar di. Ye accounts mashhoor logon ya content creators ki naqal kar rahe tha. 500,000 accounts ko spam jese rawayya ki wajah se banned kiya gaya. Meta ne kaha ke asli users ko promote karne aur naqli ya chori shuda content se tahaffuz ke liye ye qadam uthaya gaya hai.
Bollywood Couple Ko Mili Beti Ki Khush Khabri
Bollywood ke famous couple Kiara Advani aur Sidharth Malhotra ko eik khoobsurat beti se nawaza gaya hai. Maa aur beti dono bilkul Sehat Mand aur theek hain. Filhaal couple ne baby girl ki birth ke hawalay se koi official statement ya social media post share nahi ki. Fans ki taraf se congratulations messages ka silsila jaari hai.
Humaira Maali Bohraan Ka Shikar Thi
Tafteesh mein nai maloomat samne aayi hain ke Humaira Asghar maali bohraan ka shikar thi. Police ne unke flat se 3 phones aur eik tablet qabze mein le kar us ka record check kiya. Phone aakhri baar 7 October ko 5 baje istemal hua, us din 14 afraad se rabta kiya gaya lekin is doran adakara ka kisi se koi rabta nahi hua.
16 July Currency Rates in Pakistan PKR Exchange Rates
Aaj 16 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 287.50 PKR, Euro 336 PKR, British Pound 387 PKR, UAE Dirham 78.30 PKR, Saudi Riyal 76.60 PKR, Kuwaiti Dinar 928.25 PKR, Canadian Dollar 210 PKR, Australian Dollar 187 PKR, Malaysian Ringgit 66.30 PKR, Swiss Franc 353.73 PKR, Indian Rupee 3.23 PKR.
Achanak Daulat Ka Anjam Kya Hota Hai?
Middle class afraad har roz yeh dua karte hain ke kash lottery jeet jaayein, taake zindagi behtar ho sake. Magar studies yeh batati hain ke zyadatar log jo inam jeette hain, chaand saalon mein sab kuch kho dete hain. Ghalat faislay, be-maqsad kharch aur financial planning ki kami unhein phir usi jagah le aati hai jahan se woh niklay tha.
Gold Aur Silver, Qeematon Mein Kami
Pakistan aur duniya bhar mein Gold ke qeematon mein kami dekhi gayi. 24 karat Gold per tola Rs700 ki kami ke baad Rs359,000 ka ho gaya, 10 gram Rs600 ki kami ke baad Rs307,784. Duniya bhar mein bhi Gold ki qeemat $7 kam ho kar $3,365 ho gayi. Chandi ki qeematon mein bhi kami rahi, Eik tola Rs4,014 aur 10 gram Rs3,441 ka ho gaya.