Vote Dayna Ki Umar 16 Saal Karne Ka Elan
British government ne vote dayna ki umar 18 se kam karke 16 saal kar di hai. Prime Minister Keir Starmer ka kehna hai ke agar nojawaan kaam karte hain aur tax detay hain to unhein faislay ka bhi haq milna chahiye. 2024 ke European Parliament elections mein kuch EU mumalik ne bhi 16 saal se vote ki ijazat di hai.
Neend Ki Kami Nojawano ke liye Khaas Warning
Aaj kal kai nojawan masroof zindagi ke chakkar mein apni neend ko nazar andaz kar dete hain. 8 ghante se kam neend lena zehni aur jismani sehat ke liye nuqsan deh hai. Lambe arsa tak kam neend se dil ke amraz, diabetes aur depression ka khatra barhta hai. Behtareen aur sahet mand zindagi ke liye poori neend lena bohot zaroori hai.
Pakistan Mein Gold Ki Qeematon Mein Kami
Pakistan Aur Dunya Bhar Mein Gold Ki Qeematon Mein Kami dekhi gai hai, Pakistan mein 24 karat Gold ka eik tola 900 rupay sasta hokar 354100 rupay ka hogaya hai, jabke 10 gram Gold ki qeemat 771 rupay kam hokar 304441 rupay par aagayi hai. Dunya bhar mein bhi kami dekhi gai hai, jahan eik ounce Gold ki qeemat 9 dollar se gir kar 3326 dollar hogayi hai.
Punjab Bhar Mein Section 144 Laga Di Gai Hai
Home Department ne notification issue kiya hai ke Punjab bhar mein Section 144 laga di gai hai. Rivers, canals, ponds aur lakes mein swimming par pabandi hai. Barish ke pani mein roads aur khuli jagahon par nahaana bhi mana hai. Yeh qadam public safety aur accident se bachao ke liye uthaya gaya hai.
Squid Game Ka Safar Khatam Trailer Jari
Netflix ne Squid Game ka “Goodbye” trailer jari kar diya hai. Fans ko is baat ka shak ho raha hai ke Korean series ke end ke baad kya ab American version bhi aa sakta hai. Akhri episode mein Cate Blanchett choti si jhalak mein nazar aayi lekin Netflix ne abb tak American version ke koi announcement nhi ki.
Congo Virus Ka Eik Aur Case Samne Aa gaya
Karachi mein Congo virus ka teesra case samne aaya hai. 33 saala aadmi ko bukhar aur be-hoshi ki halat mein Jinnah Hospital ke Ward 5 mein dakhil karwaya gaya. PCR test ke baad Congo virus ki tasdeeq hui. Is saal Karachi mein yeh teesra case report hua hai. Ek aur shakhs Congo virus ka shikar bana hai.
FBR Ne Chhote Tajiron Ko Bari Riayat De Di
Tajiron ke ehtijaj aur guftagu ke baad FBR ne announced keya hai ke ab banks mein 2 lakh rupay tak ke cash deposit par koi tax nahi katega. Chhote dukaandaron ko digital invoicing ki pabandi se bhi riayat de di gayi hai. FBR ne yaqeen dilaya hai ke chhote tajiron par sakht qawaid nahi lagaye jaenge aur be wajah giraftari nahi hogi.
Trump Ka 18 Sep Ko Pak Visit Ka Imkaan
US President Donald Trump 18 September ko India mein eik conference ke liye ja rahe hain aur isi silsile mein chaand ghanton ke liye Pakistan aane ka imkaan hai. President Trump ke Pakistan visit ke hawale se tayari shuru kar di gayi hain. Senior politician, former senator Mushahid Hussain ne kaha ke unhein ittila mili hai ke Trump chaand ghanton ke liye Pakistan aayenge.
Footage Ready Ho Jae To Upload Kar Dena
America mein muqeem Pakistani citizen Saad Hashmani ne Facebook par post share karte hue likha: “Syed Zafar Abbas Jafri, fake CCTV footage ready ho jae to upload kar dena, report paki hai.” Post ke comment section mein kuch loog memes bana rahe hain, jabke kuch loogon ka kehna hai ke Karachi ke paison se Karachi walon ko kuchla ja raha hai.
CM Punjab Ne Hamdardi Aur Taziyat Ka Izhar Kiya
Punjab Chief Minister Maryam Nawaz ne Thokar Niaz Baig mein chhat girne ke afsosnaak waqia par gehra dukh ka izhar kiya hai. Is haadsa mein eik hi khandan ke paanch afraad jan bahaq hue, jo intehai takleef de baat hai. Maryam Nawaz ne halaak shuda afraad ke ghar walon se hamdardi aur taziyat ka izhar kiya hai.