Bold Pictures, Hira Mani Par Tanqeed Ka Toofan
Mashhoor adakara Hira Mani eik baar phir bold pictures ki wajah se tanqeed ka shikar ban gayi hain. Social media par unki sleeveless blouse aur Banarasi saree wali pictures viral ho rahi hain. Kai users ne unke libas par ghusse ka izhar kiya, kisi ne isay publicity stunt kaha, kisi ne likha Astaghfirullah, aur kaha age dekho kam dekho.
Sasur, Biwi, Bachon Ko Zahreela Juice Pila Deya
Naushahro Feroze mein eik shakhs ne naraaz biwi, bachon aur sasur ko zahreela sharbat pila deya. Sasur halaak hogaye jabke biwi aur dono bachon ki haalat nazuk hai. SHO Kandiaro ke mutabiq biwi talaaq ke liye court gai thi. Mulzim ne parosi ke bacha se sharbat bhijwaya, aur ab mulzim farar hai.
Kamyab Nazar Aane Wali Shadi Ki Haqeeqat
Influencer Samiya Hijab ne Instagram story share karte hue izhar kiya ke kai shadiyan sirf is liye chalti hain, kyun ke aurton ke paas wapas jaane ki jagah nahi hoti. Is liye wo sirf rehne ki majboori mein sab kuch khamoshi se seh leti hain. Unka kehna tha ke eik uneducated aur unskilled aurat ke liye is society mein jeena asaan nahi hota.
Cheeni Ke Naye Rate Ka Elan Kar Diya Gaya Hai
Islamabad aur Khyber Pakhtunkhwa mein cheeni ke naye rate ka elan kar diya gaya hai. Islamabad mein cheeni ki retail rate fixed kar di gayi hai 172 rupay. DC Irfan Memon ne hidayat di hai ke mehngi cheeni bechna walon ke khilaf sakht karwai ki jayegi. KP mein bhi ex-mill rate 165 rupay se shuru hoga, jo October 15 tak 171 rupay tak barhega.
Gari Kharab Hone Par Saddar Ne Taxi Karli
Iran ke Saddar Dr Masoud Pezeshkian ko us waqt taxi lena pari jab unki official gari Tabriz ke visit ke doran raste mein kharab ho gai. Qazvin ke eik petrol pump se milne wala milawat shuda petrol se convoy ki teen gaariyan band ho gai. Saddar ne local authority ko baghair inform kiye khud taxi arrange ki aur Tabriz rawana ho gai.
Police Officer Ki Laash Baramad
Jhelum mein flood rescue ke doran beh janay wale police afsar Haider ki laash dusre din ke operation mein mil gai. Woh logon ko bachate waqt paani mein beh gaya tha. Rescue team ne ab tak 498 afraad ko bacha liya hai. Nala Gahan aur Banhan ka pani kam hua hai magar kai ilaqe ab bhi doobay hua hain.
18 July Currency Rates in Pakistan PKR Exchange Rates
Aaj 18 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 288.30 PKR, Euro 334.50 PKR, British Pound 386.50 PKR, UAE Dirham 78.60 PKR, Saudi Riyal 76.85 PKR, Kuwaiti Dinar 931.80 PKR, Canadian Dollar 210.50 PKR, Australian Dollar 186 PKR, Malaysian Ringgit 66.50 PKR, Swiss Franc 352.88 PKR, Indian Rupee 3.22 PKR.
TMKOC Ke Naye Episodes Mein Woh Baat Nahi
Eik waqt tha jab “Taarak Mehta Ka Ooltah Chashmah” har ghar ka favourite show tha. Magar ab nazar aata hai ke us show ka jaadu dheere dheere kam ho raha hai. Purana actors ka show ko chor kar jaana aur kahaniyon mein naya pan na hone ki wajah se dekhne walon ka interest kam hota ja raha hai.
Matric Mukammal Nahi Hua Ab Aage Ka Raasta Kia Hai
Agar aap kisi financial ya kisi bhi wajah se matric ya intermediate mukammal nahi kar sake, tou GED test eik alternate raasta hai. Isay pass karne ke baad aap Pakistan mein kisi bhi university mein admission le sakte hain. Yeh test pass karne ke baad aapko high school equivalent samjha jata hai, jo university admission ke liye kafi hota hai.
Rajab Butt Ke Ghar Par Firing Ka Naya Waqia
Chohang ke ilaqe mein mashhoor YouTuber Rajab Butt ke ghar par eik baar phir firing ka waqia pesh aaya. Na maloom motorcyclists ne firing ke, lekin us waqt Rajab aur unki family ghar par nahi tha is liye koi zakhmi nahi hua. Golian gate aur deewar ko lagi. Is se pehle bhi Rajab ke ghar par firing ke waqiat pesh a chuke hain.