Maryam Nawaz Ki Nai Taleemi Soch
Punjab ki door daraaz ilaqon ke bachon ke liye Punjab govt ne Schools on Wheels aur Libraries on Wheels ka aaghaz kar diya hai. Electric rickshaw par banaye gaye in schools mein solar panels lage honge, jahan folding chairs, kitabein, taleemi khilone aur painting ka saman faraham hoga. Mobile libraries bhi mukhtalif ilaqon mein kitabein pohchaengi.
Adde Par Chapa, 2Mard 4 khawateen Giraftar
Vehari mein police ne Fahashi ke adde par chapa maara, jahan se 2 mard aur 4 khawateen ko giraftar kar liya gaya. Mulziman ke khilaaf muqadma darj kar ke qanooni karwai ka aaghaz kar diya gaya hai. DPO Muhammad Afzal ka kehna hai ke aise adde jurm ka markaz hote hain aur fahashi mein mulawis log kisi riayat ke mustahiq nahi.
20 July Currency Rates in Pakistan PKR Exchange Rates
Aaj 20 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 288.20 PKR, Euro 334.40 PKR, British Pound 386.40 PKR, UAE Dirham 78.50 PKR, Saudi Riyal 76.75 PKR, Kuwaiti Dinar 931.70 PKR, Canadian Dollar 210.40 PKR, Australian Dollar 185.90 PKR, Malaysian Ringgit 66.40 PKR, Swiss Franc 352.88 PKR, Indian Rupee 3.22 PKR.
Chhat Girne Se Baap Beta Jaan Bahaq
Punjab, Chief Minister Maryam Nawaz ne Chakwal ke ilaqe Khewal mai eik ghar ki chhat girne se baap aur beta ke jaan bahaq hone par gehre dukh aur afsos ka izhar kiya hai. Unhon ne jaan bahaq afraad ke khandan se dil se hamdardi aur taaziyat ka izhar kiya hai.
15,20 Din Mein Farq, Best Fat Burner Drink
Viral gym coach Nitesh Soni ka kehna hai ke agar wazan kam karna hai to is asaan fat burner drink ko rozana subah khali pait piya jaye. Unke mutabiq eik glass paani mein thora adrak, dar chini ka tukra, 2 Alaichi, thora methi dana powder, zeera aur ajwain daal kar ache se ubaal lein, aur thanda kar ke istemal karein.
SRK Ko America le Jaya Gaya ilaj ke liye
Shah Rukh Khan ko apni aanay wali film ‘King’ ki shooting ke doran chot lag gayi hai. Reports ke mutabiq, yeh haadsa Mumbai ke Golden Tobacco Studio mein Eik action scene karte waqt hua. Unhein foran America le jaya gaya hai taake unka ilaaj ho sake. Doctors ne unhein Eik Mahina ka aaram karne ka mashwara diya hai.
Salman Ki Viral Tasveer Kiara Ki Beti Ke Saath
Eik tasveer social media par viral ho rahi hai jisme Bollywood actor Salman Khan, Sidharth Malhotra, Kiara Advani aur unki newborn baby girl ke saath Salman Khan pose karte nazar aa rahe hain. Tasveer bohat hi cute hai, lekin yeh eik fake, AI-generated photo hai. Sidharth aur Kiara ne apni baby girl ka 15 July 2025 ko istaqbaal kiya.
Apple Ne Jon Par Case Kardiya IOS26 Leak
Apple ne YouTuber Jon Prosser aur us ke saathi Michael Ramacciotti par iOS 26 ke features leak karne ka ilzaam lagaya hai. Kehna hai ke unhon ne eik Apple employee ka peecha karke prototype iPhone tak rasai hasil ki aur FaceTime se unreleased iOS leak kiya. Apple ne harjana ka mutalba kiya hai. Prosser ne ilzamat se inkaar kar deya.
Tez Hawaon,Barish Ka Imkaan, Karachi
PMD ke mutabiq Karachi mein aaj se garaj chamak ke sath halki darmiyani barish aur tez hawaon ka imkaan hai. Mausam abar alood rahega jabke, nami ki satah 72 Feesad hai. Junoob maghribi hawayein 11 kilometer per hour. ki raftaar se chal rahi hain, aur darja hararat 35°C tak ja sakta hai.
Megan Ne Byron Ka Surname Hata Diya
Megan Kerrigan, jo Astronomer ke CEO Andy Byron ki wife hain, unho ne apne Facebook account se Byron ka surname hata diya aur account bhi deactivate kar diya. Andy Byron ko apni company ki HR head ke saath Coldplay concert mein cheating karte huay dekha gaya. Viral video mein dikhaya gaya ke camera aate hi Byron ne apna chehra chhupa liya.